魔王（完）: 提升維度之門

「撞進了冰山，捲上了急灣，一秒從未想折返…」

應該看不出我是玩電子結他吧！我和三個中學好友一起夾band都有11年了，由中四開始，有時還會去參加些業餘比賽和街頭busking。音樂對我來講，真的很減壓，更何況是跟自己最好的朋友有共同興趣，實在很難得。

「今日把聲幾靚喎天少！」他叫周洛仁，是我最好的兄弟，他是我們的鼓手。要說他最好的地方，莫過於為人有義氣，而且很調皮。有時倒覺得他不應該做車房，應該開車行，肯定氹得一班客人很開心。「仁哥仔，咪笑我把聲啦！」「你主音黎架喎，笑你咪即系笑我地自己眼光？」他拍著我肩。

「係喎，何啟天你米開左學嘅？點呀？有冇豔遇呀？」這位是岑傲雪，她絕對不驕傲，反而為人有些過份浪漫。她是我們的鋼琴手，也是一位全職jazz鋼琴老師，她的即興演奏可說是我們之中最厲害的。「咁好記住啊你！邊有咁多豔遇呀！我咁老！其實都幾唔習慣，番左咁多年工…」我喝一口水。至於那個很沉默的長髮男叫高昇，是我們的bass。他比較少說話，但中學那時，他讀書成績已經是全級頭5名，現職法醫。

「你唔慣冇錢洗呀嘛天少？」周洛仁想了想，又說：「唔會啦，你屋企咁有錢！」「邊度有呀，又講呢啲！」「咁你冇錢，系米唔食lunch啊？」阿雪和高昇已經執好手袋背包。我收好吉他：「食！我哋食咩？」「周洛仁你窮你話事！」阿雪拍拍他背，「哇！咁…慶祝我地天少有大學收佢，食好啲啦！日本野？」周洛仁說。「好。」「好啊。」「殺你！」





「你果本…系咩書呀？」等待上菜時，我又拿出楊教授借給我的另一本書《打開維度之門》來看。高昇與我最投契的，莫過於是對知識的追求。「喔，我有一科係讀大學通識講混沌論既物理學，唔知點解我覺得幾吸引，就問我prof，佢就借咗幾本書俾我睇下。」「混沌論？」周洛仁和阿雪也不知，但高昇托一托眼鏡，便說：「係一套神學思想，以陰陽平衡為第一法則，引導人類提升智慧同人品去提升層次。」「學霸真係學霸！混沌論你都識！」我們三人也不禁拍手。高昇又耳朵紅了。

「不過我呢本書真係有啲難明。坊間所講嘅提升維度，都係講啲咩提升七輪，咩開脈輪。印度教果d就話天人合一、做瑜珈。仲有啲話冥想打坐、遠離物慾。但係佢只係簡單講提高智慧、提升人品。」我又邊翻書邊說：「同埋呢，佢又冇乜解釋高維度嘅人係一種咩存在，住喺邊，點樣先夠數升維度呢？」他們三個人聽呆了，看來我的問題他們也解答不了。「其實如果我哋答到你，而家都唔係坐係你隔離啦！」高昇托一托眼鏡：「其實到底神創論同埋科學理論終究會唔會係同一個理論，好多科學家仲喺度研究緊。呢個問題你應該問返你個prof。」

沒錯！於是我這個問題成人，就利用之前楊教授給我的電話給他問了一堆問題。