魔王（完）: 混沌中的物理學

他打開了那本《混沌管理層的能力》，簡介了一些混沌論及混沌科學的歷史，便開始說，

「頭先講左混沌創造神族、魔族和人族，而神魔兩族之中混沌選擇左魔王同上帝作為最高管理層，佢哋之下分別有一內一外嘅左右手。魔王之下，管內政為火王爺，管外政為鬼判。火王爺之下有一位管理員惑使官，同一位監察長監官。鬼判之下有一位外對神族嘅神使官，同對人族嘅死神帝。另外，上帝之下亦同樣架構，管內政為元帝，外政為紫龍上神。元帝之下管理員叫元星君，監察長為戰神。」他把架構那一頁展視給我看，我看了一下，問楊教授：「陰陽平衡…混沌生陰陽，兩儀生四象，四象生八卦？」他哈哈大笑：「哈哈哈…你都幾係一個做學問嘅材料。冇錯，混沌論認為宇宙萬物，就係無極生太極，喺物理學上，就係無限。」

我拿起手機做筆記，他繼續說：「以上所講嘅14位就係混沌嘅管理層。其中魔王同上帝系同混沌共生共存嘅關係。佢哋之下仲有一d神族魔族嘅成員，例如人族所講嘅天使、死神等，負責協助管理。要講佢地嘅能力之前，必須要知道，混沌論嘅宇宙同超弦理論相似，係一個十維空間嘅宇宙，混沌就系10維嘅智慧體，宇宙嘅本身。9維只有兩位，就係魔王同上帝。淨番嘅管理層，都系8維，而其下成員由5-7維不等。神族同魔族嘅人大多喺5-7維之間，佢哋生活喺宇宙任何一個角落，為數不算多。而人族主要生活喺地球，大多數為3維生物，有0.1%為4維生物。」

「哇！」我不敢感慨一番，難怪是被稱為「宗教界的物理學」，這就是混沌論特別之處。「戲肉喇喎。」他翻開另一頁，能力表的總結，再說：「3維以下就自己睇，4維開始。不過佢寫明，並唔係只有以下能力，唔係所有該維度嘅生命體都一定擁有該能力。4維可以喺唔改變物質結構嘅前提下進行空間跳躍，以及瞬間移動。5維可以反重力，進行時空跳躍及睇到3維生物嘅多線時空。6維開始可以掌握重力，變換自身形態，睇到其他生命體嘅維度同埋掌握控維生物嘅時空。7維可以控制電磁場。8維可以扭曲重力。9維可以扭曲時空，控制粒子，掌控7維或以下時空等。至於10維，冇人知佢有咩不可能。」

「哇…」我禁不住又再驚歎：「我最想知，控制粒子…會係點架？」他把書蓋上，遞給我：「借比你番去望下。老實講，我好耐冇見過對混沌論咁有興趣嘅學生。多數人呢都只係當小說咁睇，始終提高智慧、提升人格去升維度對於大部分人黎講太過虛無飄渺，所以混沌論嘅信徒基本上都係d好似我呢類嘅知識份子。」他在書櫃中拿了兩本書，一本是《混沌宇宙的法則》，另一本是《打開維度之門》。「借埋比你，希望幫到你。」「嗯！」我興奮地微笑：「楊教授，你真係好人！」「傻啦！如果你有其他問題，隨時可以上嚟搵我。」他把私人電話也留了給我：「或者將來你會用得著。」





看著《混沌宇宙的法則》，不知為何，我腦海又閃過一兩個畫面…