魔王（完）: 混沌論

宇宙萬物是由混沌開始，混沌本體就是宇宙。混沌生成了神族、魔族和人族，神為陽，魔為陰，陰陽平衡管理宇宙萬物，而人族即是人類，由神族與魔族共同管理。神族的領導者是上帝，而魔族管理者為魔王，他們是混沌的左右手，共同協調及合作。倘若一但陰陽失衡，混沌便會重啟宇宙。

大家對於混沌論也有很多疑問，我也不例外。到底神族和魔族是怎樣的存在？在地外到底有沒有人族？混沌論算不算是與外星生物論有衝突？…

但時間過得太快，還是未解決這些問題。「同學記住分組，group project將會兩個人一組，題目遲啲會同大家講。」於是我打算問問旁邊的女生：「Hi我想問你有冇…」「我冇。」她爽快地回答了。「我叫Sky…咁不如我哋交換…」「好。」我正開啟電話，她已經把手伸過來，我交給她，還未來得及問她的名字，她已經打好了，站起來說了句：「下堂見。」便走了。看著她離開的身影，我不禁感慨地笑了笑。同學逐一離開課室，我便前去找楊教授問問題。

「Prof yeung!」他見到我仿佛已經記得我是誰：「係你牙同學？」「我叫Sky,中文名何啟天。教授其實我想了解多啲混沌論，想問你有書、論文或者journal推介下？」他笑了笑：「你真係搵岩人。你而家仲有冇堂上？」「冇啦，最後一堂。」「咁你跟我上黎我office。」

我知道楊教授在混沌論這個領域在香港是數一數二的專家，沒想到他的辦公室也滿佈這些方面的書和文章，真的多如山巒。「其實呢個course主要就用呢本書。」他在桌上拿了本教科書給我，繼續說：「呢本書嘅內容喺世界各地嘅混沌論學者黎講，都係研究嘅基礎，我哋嘅研究基本上就係建基於呢個理論。」我很有興趣地點點頭，他便說：「你可以試吓喺圖書館睇吓借唔借到呢本書，學校圖書館好似得一本，如果借唔到我可以借住俾你先。」「好呀唔該prof yeung。」我又邊看四周邊問：「係呢，我可唔可以睇吓你其他書？」「冇問題。」





「其實我教咗神學咁多年，真係唔多同學仔對混沌論咁有興趣。」他說。「混沌論的確係冷門啲，不過我都唔知點解，以前做學校同圖書館果陣，見到呢個理論都覺得好有吸引力，有種想了解多啲嘅感覺。」我找到一本很特別的書，叫混沌管理層的能力，雖然書本頁數不多。我正回頭打算問楊教授借，卻又看到他目瞪口呆地望向我。「楊教授？」他沒反應，我再叫多幾次，拍他肩膊：「楊教授！」「魔王大人…」他回過神來。「你講咩呀？」我完全不明白他說了一堆什麼話，問他：「係呢，呢本書講咩架？」

他看到，笑一笑：「睇嚟你好想一日讀曬我成個course嘅內容，附加埋bonus喎～」我還是不明白：「咁即係？」他把書拿了出來：「簡介下都可以，其他嘅你要自己睇書同聽書架啦。」我點點頭。