[少甜] 《未曾存在的理由：發生喺半套店嘅沉船故事》: 第二章
我手執下體，正要準備手淫。
你有冇試過喺網上專心搜索一套適合自己嘅AV？選擇AV女優、題材、研究討論區上嘅討論，就係為十分鐘嘅快感？承認啦，呢份滿足感係其他興趣俾唔到你，係獨一無二嘅。
你可能會有疑問，睇AV又點算係個人喜好？但嘗試追溯一吓你自慰嘅習慣，每日除咗返工返學，有幾多時間係睇色情作品？又有幾多時間會分配俾你所謂嘅興趣？你之所以覺得睇AV唔係正當嗜好，係因為社會教導你談論性係羞恥，睇AV係要收收埋埋嘅。
所以唔會有人公開討論自己嘅性喜好，唔會有人討論自己睇嘅作品，亦唔會加上「自慰」嘅日程喺你嘅日歷上。而我認為討論呢啲所謂禁忌，係其中一個最好嘅方法去認識一個人，至少你展示嘅並唔係人前塑造出嚟嘅性格，而係徹徹底底嘅你。
所以睇AV係一門正當嘅嗜好。
第一個我稱得上喜歡嘅AV女優係麻倉憂，2009年出道，正值中學發育嘅時期。性喜好係要被教育嘅，一般高中男仔留意女性時都係由樣貌入手，比較簡單直接。而佢哋亦都未能明白其他女性部位嘅吸引力，因為呢啲吸引力嘅意義都係社會加諸俾你嘅。社會潛移默化咁將女性嘅身體加上符號，例如女性要留長頭髮，衣着上要遮掩胸部，要大眾習慣呢種搭調，要男性期待女性除低衣服時露出乳房，試問中學生又點會明白呢一切。
正好麻倉憂突出於佢甜甜嘅臉頰，話佢可以出道做明星都唔過份。只不過佢拍嘅題材比較重口味，而仲係高中生嘅我根本唔明白呢啲題材嘅好睇之處。「雜交中出十連發」［MILD-736]？放過我啦，我只想喺女神嘅臉上一洩，求嘅只係單單純純嘅生理需要。
踏入大學時期，又有另一個AV女優出現喺我嘅日常生活中——上原亞衣。一開始上原亞衣吸引我嘅並唔係臉蛋同身材，而係佢同紗倉真菜合拍嘅「超高級雙飛服務泡泡浴女郎」［STAR-550]。
原來咸濕係有分層次嘅，呢個世界竟然有人將性服務提高到咁專業嘅水平。試問起雙飛都已經夠吸引，製作組仲要邀請風俗行業嘅老師返嚟拍攝花絮。教導兩位AV女優點樣注意每一個服務細節：跪地邀請客人嘅姿勢、幫客人用毛巾遮掩下體，先再巧妙脫去內褲、沖洗乾淨時仲要兼顧挑逗客人。說實話男優又同時享受4P，完全乎合男性嘅期望。每一個步驟都經過嚴格嘅設計，由顧客嘅角度出發，要執行之餘又唔可以缺乏彈性，係一門專業化嘅技術。
但係講到我最愛嘅AV女優一定係鈴村愛理。佢係一位天才型嘅AV女優，披肩短頭髮，可愛嘅面蛋上面帶住識笑嘅眼，仲有吸手形狀嘅乳房。拍攝激烈場面時，皮膚會帶出泛紅色，加上自然嘅汗水淋灕，並唔係只有演技嘅女優能夠發揮。
可能盜版問題嚴重，AV行業要有新嘅出路，而家嘅AV女優比起以前更需要包裝。AV女優除咗拍攝外，仲需要出席公眾活動，喺社交媒體上傳自己嘅生活照，公開售賣自己作品同周邊貨品，簡單講就係明星化。聚集人氣除咗能夠售賣自己嘅作品外，仲能夠吸引廣告商青睞。新風氣徹底改變咗AV業界嘅風氣。
但係鈴村愛理係一個特別嘅例子，佢患有嚴重嘅溝通障礙，聽聞一開始片商都有為佢安排出席粉絲見面會，但係佢連望粉絲一眼都唔敢。喺呢個可以將仼何事物都商品化嘅年代，你只要有一絲唔乎合大眾嘅期望就係錯，咁嘅意義吓，佢可謂係一個失敗嘅商品。但係憑咩佢仍然可以喺AV業界立足，咁多年嚟都保持住穩定嘅銷售量？
討論創作往往會要求作品本身可以實現一啲現實嘅目標，例如作品可以賺幾多錢、會唔會有宣傳作用、宣傳效用可以保留幾耐。
但係呢啲目標並唔係創作本身。
呢啲目標假設創作最大嘅回報係資本嘅價值，要求作品有搵錢嘅能力。但係呢啲價值會扭曲創作本身，而我哋應該追求嘅係創作自身。呢度牽涉一個好複雜嘅問題，究竟創作嘅本質係咩嘢？要知道，先有能力批評。雖然好難可以定義到，不過仍可以舉例說明。
鈴村愛理只有曾經一次拍攝過我最愛嘅題材——泡泡浴系列，喺佢接近十年嘅拍攝生涯，一百多部AV作品當中，只有一套[ABP-051]。雖然生理上好想一觀鈴村愛理再次拍攝呢個題材，但係並無需要。將成個泡泡浴過程專業化當然好厲害，但說穿咗，只係一種好膚淺嘅題材，呢種題材只係滿足男性對女性服務上嘅期望，跟本無任何深度。奈何大眾就係喜歡追求自己想要嘅，並無實質考慮背後意義。
我要嘅唔但只係AV女優嘅演出要符合男性期望，而係AV女優本身都享受性愛嘅過程。
片商刻意為佢安排咗一個新題材，內容係搵五個AV導演分別構思同拍攝鈴村愛理[ABP-742]。只可以話其中四位導演拍攝嘅都係垃圾，佢哋自以為可以將鈴村愛理呢位演員發揮到極限，但拍攝不外乎就係多P、粗暴、潮吹，搞到好似比賽咁，呢啲應酬市場嘅作品應該要拎去堆填區埋葬。
反諷嘅係第五位導演係女性，佢要拍攝嘅題材只不過係女同志演出。但係呢位導演真真正正引導鈴村愛理嘅演出去到一個新嘅層次，你喺觀賞嘅過程會見到鈴村愛理真正享受性為佢帶嚟嘅快感，每一下嘅肌膚接觸、真誠嘅親吻都為鈴村愛理帶嚟物化以外嘅意義，呢種性愛嘅層次帶嚟遠超商業效益嘅效果。
鈴村愛理作為一個演員能夠達到嘅水平，根本唔係一般AV女優能夠相提並論。佢先天嘅不足，反而令佢能夠專心演出不一樣嘅味道，為創作帶嚟自身價值嘅感覺。
正當我沈溺喺幻想之中，突然間聽到「啪」一聲，龜頭前方嘅包皮繫帶斷裂。細個喺沖涼房手淫時，由於潤滑不足，已經經驗過一次，當時仲染到成個浴缸都係瘀紅色血液。
所以我今次表現非常冷靜，知道只要清潔好傷口，收返起包皮，唔好俾海綿體嘅血再流出嚟，等幾日就會療癒。
事願與違，雖然幾日後傷口已經癒合，但係我無辦法再勃起嚟使用，慌張嘅我嘗試搵盡一切有關不舉嘅治療方法，亦都係咁第一次去咗搵Divya。