《我老婆唔係我女朋友》【那些年／學界比賽／真人】 第四章至六章: 【第六章】 竹 心 理（２）
想call人，必須先打電話到call台，說出想call的號碼和想留的訊息，call台會轉述或將訊息直接傳送到機上，有時候留言者為免老尷，會故意留一些只有雙方才知的「暗號」，大家透過暗號猜測其意思，那些由數字構成的玩意也是源於那時候開始的，520現在大家都知吧，可是在香港並不流行，你說有甚麼人會用普通話拼音的，香港人是用333的，鄭Ｙ健在電視劇中用到開巷。
那是科技不發達的年代，卻是人情味濃濃的年代，人與人之間的距離雖遠實近。
「係呀，出咗去實習，有人要搵我都容易啲啦。」她又將Call機給我看——阿心：游成點？
「阿心叫我拉住你一齊坐呀，唔想你自閉喎。」Lulu繼續中氣十足的訓話。
「唏～得啦，都畀妳拉咗過嚟啦。」心中在奇怪，阿心真清楚我，又知我會自閉？
坐埋【肉園】班人度係熱鬧嘅，但真係～好～隱～嘈！先不說震耳欲聾的打氣聲，連閒時傾偈的聲音，隔住個耳筒（我已經戴著耳筒繼續聽歌）都仍然「清脆通透」，啲人聲浮晒喺你面前，呢班友真係天生做教束的，一個二個聲如洪鐘，中氣十足，我有理由相信佢哋好氣過參加比賽的我。