《我老婆唔係我女朋友》【那些年／學界比賽／真人】 第四章至六章: 【第六章】 天下無雙的減壓絕招（２）
我咕噥著：「妳個女色魔吖…欸，不如畀我喺大髀眠一陣吖。」
女色魔抽完水，輪都輪到金魚佬出手喇啩。
「蠱蠱惑惑，係唔係瞓低呀？」阿心縮回長椅後面，用眼神示意。
瞓好後，摸著她嫩滑的手，睡在她大髀上，嗅吸著她的體香，長長的呼了口氣，突然覺得一整晚這樣過也不會無聊。
為食妹趁我睡下時雙手有空，又從她的百寶小布袋內找出糖果，快手放了一粒入口。
兩人之間沉默了一陣。
「心，我唔想去比賽喇，我想成日都陪住妳。」我突然覺得很累，是心態上的疲倦。
她從上而下望著我，軟聲的叮嚀：「台上一分鐘，台下十年功，好多成功嘅人，都唔係天才，只係默默噉努力付出，就好似農夫一樣，從翻土到播種，日出日落，細心噉重複著灑水施肥嘅動作，就係期待收成嘅到來。你聽日就係收成期喏，點可以而家先嚟放棄呢？」
「欵～食唔食糖呀？」她講講吓，無端端問我食唔食糖。
我未及回應，她已經俯身輕吻我嘴，柔軟溫暖的嘴唇如電擊般衝擊，我腦中一片空白，只想到女生的親吻原來是十分美妙的；她順勢將口中糖果導入我口中，糖果除帶有她的口中的微溫外，更有那甜蜜的餘韻。
閉著眼晴，只依賴著溫柔的感覺在纏綿，嘴唇互相緊貼，舌尖也在笨拙的相互探索著，當然還有那顆抵死的檸檬糖在二人口中傳來滾去，這是我倆對初吻的共同回憶。