《我老婆唔係我女朋友》【那些年／學界比賽／真人】 第四章至六章: 【第六章】 天下無雙的減壓絕招（３）
過了好一會後我們的嘴唇才願意分開，睜開眼晴看到對方的一剎，害羞、幸福、快樂，那感覺到現在還是找不到文字可以形容。昏暗的街燈映照下，我看見她的臉頰微紅，呼吸有少許急促，而我也心跳加快，第一個吻就在這樣的情景下發生了。
「我知我個小朋友係黐身膏藥，今次算係一個小考啦，要自己單獨完成挑戰，準備工夫雖然未算完美，但我知你可以嘅。上次我代你比賽時，你喺終點等我，聽日你代我去比賽，今次輪到我喺終點等你，好唔好？」她微紅著臉，輕聲諄諄囑咐。
其實也只是發兩句牢騷而已，並不是真的不去比賽，當下也輕輕點頭，再拉她手向下。「錫多啖吖。」
她蜻蜓點水般再在我唇上輕印一下，低聲得戚的說：「而家又唔嫌我啲口水咩？聽日攞到獎先再錫啦，今日無喇。」
「孤寒～」我不禁氣結。
「嘻，已經好慷慨嘞。」
「心呀...」
「嗯？」
「我一無是處，係妳先當我係寶咋。」
「癡線仔，你好多年前好叻時，已經當我係寶啦...」
尤如偷食禁果，染上毒癮一樣，點有可能仲等聽日吖，成晚都追住又攬又錫了。