《我老婆唔係我女朋友》【那些年／學界比賽／真人】 第四章至六章: 【第六章】 天下無雙的減壓絕招（１）
天下無雙的減壓絕招
「你呢幾個月有專注練習啦，飲食又克制自律，遇到傷患都克服咗，長期處於備戰狀態，雖然我知道有時係被迫嘅。似乎喺我哋預計範圍以內可以承擔嘅，都已經盡力去做足萬全準備。只差最後，就係重建你嘅自信心嘞，我哋唔理喺乜嘢環境下，都要相信自己有能力做到！嗯～你食晒隻蛋未呀？」說著說著她煞有介事的問我。
「食晒喇。」我張口讓她看。
「嘻～嗱，唔准郁呀吓。」她又再發力箍著我。
突然我覺得後頸肩膀處有點刺痛，又有點溫熱的感覺。「哇～妳做乜嘢呀？」
她口齒不清的咕噥著：「嗯唔～嗯～嗯～～得喇！」
個癡線妹居然咬了我一口。不，說清楚一點，她用牙使力壓印，在我後頸拓出整排牙齒印，是以其實並非十分疼痛，只是感覺怪酸軟的。
「哈哈～哈哈～嗱，我扱咗印授權你聽日代表我去比賽嘞，為咗我你要盡力游㗎！」她沾沾自喜的大笑著。
林心穎的稀奇古怪都不是第一天了，雖然感動但也不禁發一下牢騷。「哎～妳變態㗎～妳啲口水呀。」
她幾乎啜著我耳珠說：「嘻嘻～我個封印喺你後面，等你無時無刻都記住，我點都喺你後面支持你，我唔理細豬定總舵主，你同我出盡十成功力呀。嘻，有無人同你講你其實幾好攬㗎。」