《我老婆唔係我女朋友》【那些年／學界比賽／真人】 第四章至六章: 【第五章】 義氣心再現江湖（３）
「喂，肥滯，準備好未？」望望阿心已經戴好泳鏡了，遂向對岸叫過去。
咦？死嘞，突然醒起一個非常重要的問題，我條囡究竟識唔識游水嘅呢？識游但游成點我真係完全唔知喎！早前要做小組指導，啱先又一味掛住鹹濕，無理會過佢係咪真係識游就拉咗佢去水中央添。想到這裡，不禁又行返出兩步，一陣有乜唔妥，伸手直接拉佢返嚟，唔好因為嗰件賤肉橫生而搞到寶貝女友。
這時見到細豬戴好泳鏡就位，他大叫：「隨～時～嚟～得！」
說來好笑，整個泳池的人都停下來望著我們這兩條線道的「口水戰」，肥直直情同隔離泳會啲人笑晒噉食花生。
我望望細豬，望望阿心。「好，預～備～開始！」順手也按動秒錶跟死肥滯計時。
比賽開始後基本上我只盯緊阿心，擔心她力有不逮，呵～原來她都游得幾好喎，動作嫻熟流暢，只是效率麻麻，蛙腳撐極都唔係好去水嘅？不過以業餘又不常游泳的路人來說，已算是相當不錯了。
眼見她尚差兩步就觸到池邊了，望望肥滯先。嘩，條仆街剛過25公尺（一半了），連忙看看秒錶，赫然發現是14秒，以他年齡來說分段速度相當不錯；話說中國女子奧運金牌得主，在去年92巴塞奧運，破50自世界紀錄時，她去到半池的分段時間，也只是11秒18。