《我老婆唔係我女朋友》【那些年／學界比賽／真人】 第四章至六章: 【第五章】 義氣心再現江湖（４）
到阿心觸池邊完成時，細豬才去到40公尺左右，但是彼此的差距比我想像中少，不知道是阿心游得慢，還是細豬游得比平日快，然而不論如何，他在尾段已經明顯慢了下來，開始拖柴了。我一方面提醒阿心調息呼吸，唞順條氣，一方面留意細豬到達的時間，31…32…32秒5！
他又再刷新自己的最佳時間。
無可否認對比起上次的試閘，細豬的確每天也在進步中，難怪三不五時的找我約戰，如果今天的他對上剛剛復操時的我，恐怕我也要吃敗仗，可惜在我別有用心的操弄下，他今天還是要輸。
我用很假的婉惜語氣說：「肥滯，32秒5喎，好似又快過以前噃，可惜無用吖，都係輸畀姐姐。」
「吁……挑…挑…吁…我……我…會…輸？」他一邊喘息一邊說。
「嗱，汽水就唔飲嘞，星期三晚又起雙飛啦。」我向細豬說完後，望向阿心解釋：「起雙飛嘅意思即係雙倍訓練。」
「挑…雙飛…吁…咪雙飛囉，怕你呀。」細豬一臉不服。
口水戰落幕，是時候收工了。我指示大家上水，叫妹豬帶著阿心返更衣室，我又忙著收拾和跟泳池方面sign out。