《我老婆唔係我女朋友》【那些年／學界比賽／真人】 第四章至六章: 【第五章】 義氣心再現江湖（１）
義氣心再現江湖
「小朋友，飲支汽水啫，想點樣比呀？」突然一把女聲石破天驚地從我後面叫出來，整個泳池由原本嬉笑食花生的喧鬧中，一下子靜了下來。
我駭然轉頭望望，哎～果然係義氣心，連忙低聲跟她說：「喂呀，肥滯呢啲單細胞生物，隨便一千幾百個籍口耍走佢啦，做乜同佢認真呀。」
她嘟著嘴忿忿不平的說：「佢恰我條仔喎。」
我條仔？她從來沒有說過這些字眼，大鑊，有陣𤓓味。「哎吔，癡線妹，細路仔玩之嘛。」
「我就係唔鍾意佢噉講。」她少有倔強的回答。
這時細豬離遠的回應說：「游一個直池鬥快咋。」
「好吖，游咪游！而家嚟比賽啦。」她毫不猶豫的叫回去。
「不如…不如我游啦。」我想打圓場，三扒兩撥搞𠶧佢算了。
那知她圓瞪杏目：「唔得！講咗你今晚唔准游喎！」河東獅吼動真火，死嘞，爆氣變超級小野蠻了。
最衰個死肥滯！唉～唯有救得幾多得幾多。
我隔遠大叫：「喂肥滯，你肥屍大隻，日日練水，你同姐姐比賽？你醜唔醜呀。」
單細胞生物果然不虞有詐：「噉你想點吖？」
「起碼讓半個池啦。」我開天索價，半個池就是25公尺了。