《我老婆唔係我女朋友》【那些年／學界比賽／真人】 第四章至六章: 【第五章】 調教我女友（４）
拉她靠貼過來時，那種溫暖的擠壓，觸身柔軟又富彈性，真箇銷魂蝕骨。最攞命的還是她在緊貼著我時，身體那無意識的扭動，二人凹凸的胴體只隔著薄薄的泳衣的廝磨…嗚呀～救命！
她嬌羞的白我一眼，聲如蚊蚋：「喂呀～」在水中活動她不及我靈活，一轉手整個人已給我攔腰抱著。
我悄悄在她耳邊說：「人哋話『咋喳』妳喎，我又試下先。」溫香軟玉在懷，林心穎妳仲走得甩？
正準備將她就地正法之際，細豬在遠處叫陣：「喂老人家，係唔係輸賭汽水呀？」
（呼～好險，再寫落去有人就貞操不保，小說勢必變成甜故了）
我門小你鹵味咩！在心中連細豬的太祖都小勻，你唔好快啲死，偏偏而家先嚟挑機…
阿心咬著唇似笑非笑的望望我，又從我肩上朝後偷望細豬（我仍然打橫的公主抱著她半浸在水中），擰擰頭用口形說：哎唷，無機會喏。
唯有輕輕的放下她，擰轉頭向細豬說：「唔賭喇，無心情呀。」
個衰妹竟然落井下石，在背後湊在我耳邊低聲的說：「哦～我就知點解有人無心情啦，嘻嘻。」偷唔到雞仲俾佢笑返轉頭，谷鬼氣！
「老人家係咪怕輸呀？怕咪出聲囉，哈哈哈哈～」細豬繼續施壓，看準我今天廢了武功。
「唔賭呀，隨你點講啦。」完全無心情理佢。
「哈哈，大呃細，畀屎餵，呵呵呵～」細豬在對面大聲歡呼，終於有機會威返次。