《我老婆唔係我女朋友》【那些年／學界比賽／真人】 第四章至六章: 【第五章】 火杯的考驗（２）
說時遲那時快，他已經將5個罐逐一放到我肩背上，最初感覺只是暖暖的，然後才開始感到皮膚被吸啜，然而整體並不覺得有痛楚，可能因為感官分散了，而且有熱敷的舒緩，反而感到沒那麼痛了。
迎上阿心關心的眼神跟她說：「好似真係舒服啲喎。」
米叔搭嘴說：「Phew wee！拔完罐後皮膚會出現瘀血或紅印，其實係你身體啟動防禦機制。呢個過程活化咗HMOX1（heme oxygenase 1）嘅gene，能夠喺Heme oxygenase中分解代謝出heme，形成biliverdin、carbon monoxide同埋ferrous iron，最後還原為biliverdin reductase。」
我和阿心對望一眼，心想「又嚟料了」。
「HMOX1過程所產生嘅CO發揮咗anti-inflammatory嘅特性，令兩組gene，IL-10和IL-1RA誘發抗發炎、止痛、擴張血管嘅奇效。」米叔一口氣說著，稍稍頓了一下。「因為HMOX1屬於誘發性，喺細胞受刺激時，例如氧化壓力、發炎反應或局部缺血，先會被大量誘發出來，所以拔火罐其實就係HOMX1嘅催化劑。」不幸的是，他說到最後這一句才勉強聽懂「拔火罐」三個字，其他真的唔知佢噏乜春。
他說得起勁，又繼續：「你哋有無聽過Platelet-Rich Plasma (PRP) Injection？」我和阿心一起搖頭，當然沒有聽過了。「都難怪未聽過嘅，我以前都有幫手做研究，所謂PRP其實係Autologous blood therapy嘅一種，用自己嘅血分兩次centrifugation，分離出PRP、PPP和RBCs，再將PRP注射返自己身體內，用以促進自體修復，但始終成本太高同有風險，暫時未適合臨床使用。」