《我老婆唔係我女朋友》【那些年／學界比賽／真人】 第四章至六章: 【第五章】 火杯的考驗（１）
火杯的考驗
他繼續發表偉論：「當然熱敷、冰敷、按摩、伸展運動等都可以舒緩嘅，但係佢皮膚俾啲膏貼搞到敏感，按摩都做唔到喎。嗯…不如做Vacuum Therapy啦，噢，本地人叫做拔火罐。」
「拔火罐？！」我和阿心再一次異口同聲，輕聲的叫了出來。
「Seriously，按摩係positive pressure massage（PPM），拔火罐就係negative pressure massage（NPM），喺不能按摩時，拔火罐係相對安全而有效嘅Therapy。透過拔罐杯裡面嘅負壓拉扯皮膚，令皮膚底下嘅淺層肌肉、筋膜都一併被拉扯，促進血液循環，可以舒緩肌肉組織嘅僵硬和酸痛，非常適合處理疲勞或者高強度運動後嘅肌肉緊繃問題。」米叔今次的解釋比較易明，而且拔火罐也在午間電視節目《婦女生滋》上有介紹過，所以他一講，腦中便浮現出影像。
事到如今，已經肉隨砧板上，我還可以怎樣？求救般瞄瞄阿心，見她也微微頷首，似乎也認同。
「噉好啦，米叔，麻煩你拔火罐啦。」我也只能無奈的說道。
接著跌打佬忙碌起來，除了搬出大堆工具外，還點了觸目驚心的酒精燈，令我不其然也開始緊張，只好拖著阿心找點心靈慰藉。
一切準備妥當，米叔又開始解釋：「嗱，等吓我會將含有酒精的棉球點火，然後放進玻璃罐內焙一下，熱力會將罐內的空氣排出來，形成negative pressure，產生吸力，最後將玻璃罐放喺適當嘅穴位上面。你第一次做又有啲皮膚敏感，我放5個罐先啦，放鬆啲唔痛嘅。」
我苦笑著：「係嘅，我諗點都痛唔過而家連手都舉唔起。」