《我老婆唔係我女朋友》【那些年／學界比賽／真人】 第四章至六章: 【第五章】 火杯的考驗（３）
米叔呼了口氣後再說：「但拔火罐所引發的HOMX1，其實跟PRP有異曲同工之效，都係觸發自體修復機能，而且又經濟又免去注射嘅風險。你而家有輕微肌肉撕裂，透過催化HOMX1加速肌肉修復、補償，以後會變得比之前更強壯。」他一口氣說了差不多15分鐘，但我聽得懂的，恐怕沒有十分一。」
火罐大約焗了10分鐘，米叔輕挑罐沿的皮膚空隙，使空氣流入真空倉，輕易的將火罐拔走。「Lovely，做完喇，感覺會唔會放鬆咗？今晚要忌水，先唔好去游水嘞，要起碼3個鐘頭就後先可以沖涼，如果兩日後仍然咁痛就再返嚟睇睇或者再拔一次。」
我點頭表示明白。他轉向阿心說：「大妹，妳頭先睇到佢傷咗邊條肌肉啦，等佢皮膚敏感好返啲，可以幫佢用少量冬青膏輕輕按摩肌肉位置，佢自己做唔到㗎，妳要幫佢。」我對阿心扮個鬼臉，她只沒好氣的白我一眼。
米叔最後只收了街坊價50大洋，他說我是學生又是大妹朋友喎。步出醫館時已經差不多4點，肌肉確實沒有之前那麼繃緊，然而走路時仍會隱隱作痛。因為剛才一放學便過來醫館，現在才感到肚餓，想起仍未午飯，遂提議到附近茶記吃下午茶。
在【高米高跌打醫館】斜對面馬路，有一家【大華冰室】，是間老式茶餐廳，衛生麻麻，一向都我們都甚少幫襯，只是今天我行動不便，只好將就一點。