《我老婆唔係我女朋友》【那些年／學界比賽／真人】 第四章至六章: 【第五章】 牛津跌打佬（１）
牛津跌打佬
「噚日做運動整嚫，半夜開始嚴重到舉唔到手，而家行路都會痛。」我和盤托出。
點知條友兩眼發光，又專登哄埋啲。「Swish！做乜嘢運動搞到咁傷呢？」
見佢莫名其妙興奮起來，令我有點擔心佢係咪基佬，尤其是我現在赤裸上身…「我…我練游水嘅，噚日做高強度訓練。」
「Blimey！我專醫運動創傷㗎，C'mon大妹無話你知咩？」他然後低聲的問我：「You two are dating, right？」
見佢個樣提完大妹之後蠱蠱惑惑噉，大約都估到佢問乜。只好尷尬的點頭苦笑。
「Lovely！大妹我由細睇住佢大，關心佢問吓啫，no biggie。」他仍是低聲說這句話。然後他回復正常聲調繼續說：「我做跌打只係面嗰浸，實際上我係physiotherapist，我專攻sports therapy嘅。」
不理會我目瞪口呆的樣子，他繼續說：「Well，啲老街坊始終都係對中式外敷內服、正骨理筋有信心，所以我繼承old man嘅跌打功夫，暗地就fuse with physiotherapy，表面上我係一個hawt嘅跌打師傅，實際上我係一個識跌打嘅運動創傷治療師！though I’m still Adonis。」
老實說，我的目瞪口呆主要是聽唔明佢啲英文嗡乜春，一頭霧水下只能本能的點頭扮明。
他見到我一臉懵懂的敷衍，以為我看他不起，遂指向牆上掛著幾張證書。「C'mon have a look, lad。」叫我看看牆上掛著的東西。