《我老婆唔係我女朋友》【那些年／學界比賽／真人】 第四章至六章: 【第五章】 阿仁你…生嘢呀？（１）
阿仁你…生嘢呀？
拖拖拉拉的終於返到學校了，她毫不避嫌的直送我入lecture hall，安頓我坐在窗邊位置，問我拿了Discman，然後指著窗外運動場。「嗱，我喺場邊嘅長椅等你放學，你呢個位應該望到我嘅，噉唔使擔心一陣搵唔到我啦。」
「不如妳去common room等或者去拉把等啦。」我嘗試建議她找舒適一點的位置等我。
她擰擰頭說：「唔使喇，我怕嘈，又唔想撞到人要應酬，你專心上堂啦。」
我看著她去後，心裡有點內疚，明明她放假都搞到要陪我返來，見到她落到運動場邊坐好，還笑著跟我微微揮手，使我更覺難受。
開始上堂差不多10分鐘，Leon才姍姍來遲，他在旁邊坐下時，順勢肩碰肩的撞了我一下，這種平常不過的打招呼方式，在今天簡直是要了我的命，兩肩痛得使我大叫了出來，幸好講師正在用咪講課，在咪聲掩蓋下才沒有引起譟動，反倒是Leon被我過大的反應嚇了一跳。
跟他解釋了前因後果，他反而大呼安心：「唏，肌肉疲勞啫，邊個練水未試過呀，正常吖，過兩日就無事㗎啦。」
我點頭同意：「我都知應該係肌肉疲勞，只係今次反應比以往利害啫。」
「大佬呀，你練埋呢啲大陸秘技，唔殘廢都算係好勁啦，無事嘅～點呀，睇唔睇Jump呀，畀你睇先嘞。」他邊說邊遞了本少年Jump過來。