《我老婆唔係我女朋友》【那些年／學界比賽／真人】 第四章至六章: 【第五章】 心媽湊我返學（３）
回家叫老媽幫忙捽冬青膏，順便按摩一下那個肩甚麼穴，感覺肩膀好像稍稍放鬆了點，反倒是老媽一副見怪不怪的樣子，因為以前練水時，偶爾也有肌肉疲勞要找她按摩的先例。在學校睡了一覺，現在反而睡不了，呆坐了一個下午看電視，反常地竟然無意識去打機。
晚上阿心補完習回家打給我：「喂，你而家點呀，有無好啲呀？」她的語氣還是很緊張。
「唞咗成個下晝，好似好啲啲啦，不過隻手都仲係遞唔高囉。」我不想她太過擔心，有點故作輕鬆。
「哦，噉你聽日仲返唔返學呢？夜晚停一晚唔好去練水喇，好唔好？」她好像稍稍放心一點。
「哎，聽日要返呀，講明要點相，計attendance呀，夜晚就唔使返麗池嚕，教練話放我一晚假喎。」我明天上午有課，阿心就day off的。
講開教練，突然想起今早肥佬話聽朝仲甘喎，究竟點解呢？
「哦～噉不如聽朝約你食早餐啦，我都係唔放心。」她少有的黐身，一般總是我黐她比較多的。
「好啦，我出門前打畀妳吧，癡線妹唔使緊張啦。」我輕聲的安慰她。
沖涼後叫老媽幫我貼兩塊「脫苦海」在那個肩甚麼穴就上床睡覺了。
睡了一會，咦～點解我又喺【灣仔池】嘅？斜睨一眼亞里仔在旁邊搏命游垂直蝶式，要衝上水面呼吸，突然醒起我應該也要游啊，否則何來有氣唞，說時遲那時快，口鼻呼吸突然停止了，搏命想吸氣也吸不上，心臟發狂的亂跳…