《我老婆唔係我女朋友》【那些年／學界比賽／真人】 第四章至六章: 【第五章】 功夫兩個字 游水都係（２）
我心中叫苦連天，無端端講乜嘢打功夫呀你鹵味，雖然已是四月天，但赤膊齋企喺池邊吹風（不要忘記是露天的灣仔海傍），仍然好隱凍呀。
幸好他繼續說：「所以以前我哋嘅體能同肌肉訓練，都係以抗衡自身力量為基礎嘅，甚少依賴器械操練。」他見我們一臉惘然，呈現黑人問號的神態，唯有繼續解釋。「嗱，你哋諗吓，游水其實係用自己力量推動自己體重向前衝嘅運動，我呢種訓練方法叫『自力煉抗』，其實就係同自己鬥力。以自己嘅體重做訓練基數，當你嘅體力適應咗你嘅體重，舉己若輕時，你飛上天都得，我哋以前直情『自力煉鋼』添呀。」
唉～又是那些似是而非的理論，七省癲佬真係唔係浪得虛名嘅，佢撚吓撚吓話自己識得出「邪王炎殺黑龍波」都唔奇！
「喺入面做『自力煉抗』，當然無可能耍拳練內功啦。」他直接了當的說。
仆街嚇得我吖，我幾驚真係癲到要沉係水底練「一指定中原」呀。
肥直繼續說：「嗱亞里仔，你想蝶式成績更進一步，上臂的肱二頭肌和三頭肌，以至肩部背部的肌肉都要再強化。」說時肥直拉開運動衣，露出他的肩膀上臂，我早知他的上臂相當粗壯，他應該是給亞里仔開眼界，雖然現在肥肉多於肌肉，然而單是臂寬已經比我粗差不多一倍，想來年青時當是貨真價實的「麒麟臂」。