《我老婆唔係我女朋友》【那些年／學界比賽／真人】 第四章至六章: 【第五章】 功夫兩個字 游水都係（３）
騷完「哥利」後，他繼續說：「蝶式嘅自力煉抗相當簡單，就係～游～蝶～式！」
阿里仔用充滿疑惑的眼神再一次跟我對望，喂…肥佬你知唔知自己噏乜春呀…
「哈哈，梗係唔會好似平時噉游啦，係企喺度游！」肥直用幽默的語氣說。
終於嚇到亞里仔都「吓？！」了出來，我也忍不了口搭嘴：「我哋就噉楝喺度練呀？」
「係呀，有無驚喜先？」肥直仲懶風趣的答道。
天呀，點解我跟啲教練全部都有精神病㗎？！
「嗱，你哋先原地做蝶式動作嚟睇吓。」肥直然後望向我低聲吩咐：「你都照做蝶式，陪練呀。」因為平日我是用自由式跟亞里仔蝶式的，所以他特別提醒我要轉蝶式。
他檢視完亞里仔和我在陸上做的動作後說道：「嗯，注意蝶式都要推水呀吓，一陣呢吓尤其重要，生死攸關㗎。好喇，你哋同我落水游去池中間，雙臂舉起垂直沉下水中，直至指尖沒有水中後，然後開始游蝶式。」
我和阿里仔今早是第三次用充滿疑惑的眼神對望，門小你搞乜嘢呀～
肥佬見我倆呆若木雞般，一動也不動，遂進一步解釋：「你哋落水後，雙手舉起伸直向上，垂直沉落水底，然後打棟游蝶式，將自己膊頭以上推出水面呼吸，當然都係用蝶式呼吸方式。落去試兩下先啦。」