《我老婆唔係我女朋友》【那些年／學界比賽／真人】 第四章至六章: 【第五章】 佢七省肥魚咋啩（１）
佢七省肥魚咋啩
三月尾，肥直跟亞里仔的晨操已經進行了一個多月，我和亞里仔也開始混熟，知道他多一點生活日常，他在港島名校【事頭婆中學】讀中二（阿扁師弟喎），早上晨操完，在私家車上吃早餐趕返學，每天放學後又再到泳會練水，原來明日之星也一樣要經過艱苦的修行，只是有資源就爭取到多一點喘息空間吧了。
今天大家齊齊浮在水面喘氣調息時，他突然問起我：「仁哥呀，你點樣跟到黃教練嘅？」
我覺得很奇怪，大概一般人都會問，跟了這個教練訓練幾耐呢？而不是問「點解」跟這個教練吧。「點解噉問呢？你覺得黃教練有問題咩？」我不答反問他這個無厘頭的問題。
「佢無問題呀，反而係佢好少教成年泳手，你係我所知嘅唯一一個。」亞里仔未脫稚氣又老成持重的語氣，令我想起妹豬個老人精。
嗄？！你條粉皮仔係咪繞個彎笑狗我老餅，好似嗰個死肥滯噉。
我同時也有點好奇：「嗯～其實計輩份黃教練應該係我師叔嚟嘅，我以前個教練叫佢教我嘅。」一時間我只想到用師叔去形容我們的關係。老坑係佢「阿兄」，佢哋同門師兄弟，啱數吖。
我繼續問：「噉黃教練現時又確係只教細路嘅，乜佢好巴閉㗎咩？」