《我老婆唔係我女朋友》【那些年／學界比賽／真人】 第四章至六章: 【第五章】 明日之星的陪練員（２）
這額外的「通識」研討，使我們除了講以外，還了解當中語法，譬如哪些是動詞、哪些主詞或受詞與身份不符，說出來反被人恥笑的，記得他說過：「喂你『嘟』人老母，『嘟』係動詞嚟，你要有條嘢先做得到嘛，噉條嘢都無嘅人講，咪出醜囉，唔通撍條青瓜出嚟嘟人呀。呢，『仆街』彷彿好似動詞，實際上應該係形容詞嚟喎。」換了今天如果仍有老師敢教授這些「通識」？晨早俾人釘一世牌不特止，仲三不五時拖條屍出來，全國巡迴鞭撻啦。
然而在近十年的生活實踐中，學會審時度勢，懂得因時制宜，招式收放自如，才是真正宗師應有的修為，只可惜口不擇言之輩愈來愈多，你看今天多少人在不恰當的場合衝口而出，還狂言忠於自我，就看得出功力的深淺了。
「係嘅係嘅，你啱，檢點啲，果然一人主張，唔如二人參詳（潮汕諺語集體智慧）。」肥直有感而發。
等了一陣，有架平治S-Class在泳池停車場停下，車上一個少年提著個練水袋，從後座落車，我和肥直對望一眼——嗯，應該是這位少爺仔了。
少年身型挺拔，雖只13～14歲，可是腰板挺直，肩寬膊厚，胸壯臂粗，似潛藏了無窮的爆發力，難得又生得眉清目秀，方面大耳還有少許baby fat，當他走近我們時，我才發覺他長得比我高，年紀輕輕估計已有173左右（闔家富貴，究竟啲人食乜嘢大㗎，最近遇到的個個都高過我嘅）。