《我老婆唔係我女朋友》【那些年／學界比賽／真人】 第四章至六章: 【第四章】 翻閹泳法（４）
他頓了頓再說：「你而家嘅情況正正就係用『舊習慣』去推動『廢身體』，無論氣力同體能都跟唔上，除非練返一年半載，否則都唔會有起色。」
「吓？！阿直，我六月比賽囉喎…」我擔心的問道。實際的操練時間只剩5個月，何來有一年半載呢。
「唏，你聽我講埋先，前人已經諗到呢種水土不服嘅問題。嗱，你而家試試再嚟一個50自，今次注意只用中速划頻，嗯…試試唔好閉氣，用『五手一氣』先啦，另外每一吓划手用力唔好用盡，要保持留有餘力嘅感覺。用力唔好用盡咋，推水嗰吓要推盡呀～」肥直不慌不忙的吩咐，又提醒要改善推水。
所謂「五手一氣」，就是划第五吓自由式手的同時，才順勢側身呼吸一次，這是老坑親傳的「兩側換氣」單數自由式游法，從第一天去練水就要我們練習，目的是令人左右也能呼吸，使得人在俯伏的體勢下，仍可維持縱軸自轉，平衡身體保持直線向前，不會令力度偏向一邊（俗稱「歪炮」），影響速度。我們平常練水時會按個人習慣和能力，採用單數的「三手、五手」或「七手一氣」。
「又嚟預備～去！」肥直再發號令，我又再次自己一個衝塘。
按肥直指示，今次只用中速來游，力量使用亦就住就住，當然亦遵照要求採用「五手一氣」了，由於並非拚盡所有氣力，所以全程也游得比較輕鬆，一直去到衝線也仍猶有餘力。這種游法，跟全程谷盡時，尾段的氣力不繼，拖柴收場有天淵之別。