《我老婆唔係我女朋友》【那些年／學界比賽／真人】 第四章至六章: 【第四章】 型、英、帥女友（３）
以前要去到專上管理課程才會學「需求層次理論」，原來今天中學通識科已經有涉獵了，現代的年輕人絕對不簡單啊！
我不得不認同：「噉無論練水或者比賽，其實對手都係自己，只要每日都比昨日嘅自己游得快，就係成功喇。」這個阿媽是女人的道理，老坑打從第一天練水就已經掛在口邊，只是要做到又談何容易呢。
時間面前，人人平等。游泳比賽的對手，從來不是人，而是時間。
「咦？你講得非常啱喎，我先頭問過你復操咗幾耐？你比起三個星期前嘅自己，係唔係快咗呢？」她有點驚訝我突然開竅。
「嗯，肯定係嘅。」我的自信心開始回血。
她將臉頰靠攏我，另一隻手輕按我頭上，好像攬著我的頭一樣，溫柔的慢慢說。「嗱，小朋友自卑一下無所謂，但過咗就唔准再扭計喇。堅強啲，畀啲信心自己，其實你已經好叻㗎喇，慢慢循序漸進練習啦。雖然未必改變到最終結果，甚至可能徒勞無功，但只要盡咗全力，至少唔會後悔啦，起碼對得住自己，對得住朋友。」她比我老媽更像媽媽。
「嗯，知道喇，王教授。點解妳今日咁香嘅。」聽著她的軟語，聞著她的體香，真是心神皆醉。