《我老婆唔係我女朋友》【那些年／學界比賽／真人】 第四章至六章: 【第四章】 型、英、帥女友（２）
我有點不解：「乜嘢唔同層次呀，咪又係廢青一個。」
「我再講一次，如果我有能力代表學校，就算係輸、就算出醜，我都覺得係一種榮譽，另外如果你已經全力備戰，比賽時有專注表現，出盡全力就算輸咗，只要問心無愧，咪就係回應咗Leon嘅託付囉，佢無叫你贏冠軍嘛，係咪？」
「嗯，妳又好似講得啱嘅。」我無法不認同她，似乎女友說的都是道理。
「嗱小朋友覺得好大壓力，我同你一齊頂、一齊捱，最多你頂大份我頂細份嘞，覺得好辛苦咩？唔緊要嘅，而家有我陪你一齊行嘛。至於層次，你記唔記得我哋上HRM時曾經討論過Maslow『需求層次理論』嘅呢？」Human Resource Management（HRM）是我們吹水系其中要修的科目。
「我可唔可以唔諗嘢呀～～」女友似成了我的撒嬌對象。
雖然我仍睡在她肩上，但我還是感覺到她擰頭瞥了我一眼。
她繼續解釋：「需求理論將人嘅需求分做5個層級，生理、安全、社交、尊嚴同埋自我實現，咁生理同安全嘅需求都係容易達成嘅。
嘻，你搵到個滿分嘅女朋友喎，社交嘅需求你又順利達成咗喇，而我哋大部份人都仍然喺度經營第4個層級，希望喺某一領域做出一番成績，贏取其他人嘅專重同埋認同，但你呢？第4關輕易達成，無論以前或者而家，求求其其已經係學校代表囉喎，而且你已經喺度煩惱緊，點樣完成第5層級嘅自我實現，你甚至想挑戰中學年代嘅自己，係你自己畀壓力自己咋。」