考牌啦: 實習-Case 4 (24)

片段就這結束，而EZ調出片段的日期，正正是李昆逐漸被所有老師趕出課室，被排斥出學校的日常運作，愈來愈少見他媽媽的前發生。 「竟然係玫瑰，佢自己學野辛苦關人咩事，打橫嚟講的。同埋佢的情緒會唔會飄左啲，人格分裂咁」夢憤憤不平地說 「所以吾好低估任何人，有啲野要不停咁掘先可以搵到真相」EZ有些唏噓地說 「不過吾緊要，有齊我哋兩個搵的片段，咁樣就可以證明佢哋三個係有陰謀咁好害李昆，所以依個投訴並吾成立。重可以罰埋依三個自私自我中心的人」夢一種大仇得報的心態說 「夢，依度就有一樣野你要學」EZ語重心長地說「我哋只可以交上許老師的證據」 「吓，點解？明明就係許老師同玫瑰都係主謀」夢聽到後不解地問 「頭先的片段裏面，你有無聽到玫瑰講過話要點樣對待李昆？」EZ反問 「咩呀，佢話要摧毀李昆，你都聽到架」夢迅速回答 「正確黎講，係佢對許老師摧毀吾到李昆感到失望。咁樣係可以當係情緒發泄，吾代表佢係主謀」EZ答 「佢話吾可以俾佢輕鬆咁過...」夢繼續回想片段 「你有睇過學校的片段，咁佢係學校有無做啲咩？」EZ問 「...」夢拼命回想，但無論他怎樣想都沒有，因為玫瑰與李昆的交集是零，是一點交流也沒有。 「但係佢哋吾係有份文件...」夢愈說聲音愈小 「你都諗到個問題，依份文件我已經試過用好多吾同鏡頭睇，但無一個係睇到內容。所以依份文件可以俾人做出千千萬萬份版本，我哋係依方面的控訴係可以任意推翻。」EZ的說話繼續打擊着夢 「咁我哋真係咩都做吾到？」夢就像有東西哽在喉嚨一樣，不甘的說 「其實就算真係影到，我都吾會擺埋玫瑰落報告」EZ說 「佢明明就有錯！點解！」夢激動地問 EZ嚴肅地看著夢，一句話也不說，這個表情是夢從來也沒看過。不知為何，被這樣看著，夢也不禁再鬧情緒，乖乖地靜下。 彷如過了一個世紀，EZ好像終於下了決定，說「夢，禾城雖然有左牌照局，始終都係由人去管理。只要有人，有好多野都係口號。你應該睇到玫瑰的情緒同身體的變化，我只可以透露依種情況並吾係天然的，有好多野要你繼續實習先可以知。如果你過哂實習後都記得依重心情，你重有...」---- 夢揉著眼睛，由趴在桌上變成坐直在椅上「我幾時訓着架？」 「你辛苦左咁耐，頭先睇完我剪個條片後，就攰到訓左」EZ帶着耐人沉味的笑容看著夢 「係喎，咁我哋依家係咪可以結案啦？」夢問 「嗯，啲手尾我會搞掂埋，許老師一定會受到應有的懲罰，至於李昆我會安排好。你番去好好休息先，放完case啲假啦。」EZ看著屏幕回應，用手示意夢離開 「咁我走先啦」夢一邊按摩着腦袋一邊離開，總感覺有些事有些東西被移走了或是埋了的感覺，但他來的時候明明沒有搬自己的物品來。最終腦內的睡意戰勝了一切，夢決定不再遲疑，拖着疲憊的身軀回家。 「...赤子之心...」EZ喃喃自語---- 在夢休養了不少天後，吃着午餐的他在收到訊息後笑了起來，在房間裏做出各種奇怪的勝利手勢和咆哮。 ［李昆的校長不想這破壞校譽的事公開，而作為交換條件，就是容許李昆轉去其他名校，承認自己學校未能滿足李昆的教育需求。而許老師則是自願離職，但這輩子已與教育界無緣。］ 訊息下還附上了一張在校園外偷拍的相片，可以看見李昆在新校園笑着與人打鬧