考牌啦: 實習-Case 4 (23)

許老師完全想不到從玫瑰口中會說出這個名字。「大小姐你係咪鐘意佢啊？我發誓我唔再針對佢。你放過我啦⋯⋯」 「鐘咩意呀！！！」 玫瑰驟然站起來，將坐在身下的椅子單手舉起，向著床尾砸過去。 許老師頓時出了一身冷汗，而粟老師則是沒有絲毫動搖，一副見慣不怪的樣子。 玫瑰甜絲絲地說「許老師，你就係咁。明明你咁聽明，啲咁簡單的野都會錯的，咦嘻～」 眼前這個女學生所表現的怪力，與其柔弱的話語，所形成的極大反差，使許老師不知該怎樣應對。 「我同緊你講嘢呀！望住我，知吾知咩叫尊重呀！人哋同你講野要望住人！要俾反應！！」玫瑰再次單手拿着椅子，指着許老師說。 「係...係，即係玫瑰大小姐你吾鍾意李昆...你你好憎佢係咪。咁我哋係朋友黎㗎喎」許老師面對着即時的生命威脅弱弱一說，同時不停在心裏告誡自己一定要集中看着玫瑰。 「係呀，我曾經都覺得許老師除咗好幫得爸爸手，都會好幫得我手。」玫瑰柔柔一說 「係呀...」當許老師想拉近關係時「但點解！」玫瑰上一刻優雅的樣子再次蕩然無存「明明你有咁多機會將佢徹底咁摧毀，你都吾好好咁把握，一次又一次咁令我失望。你如果要咁樣浪費你的才智，點解吾捐左個腦俾有需要的人」 「不過吾緊要，依家老師你有我」玫瑰一步踏上床，就像寵物摸狗一樣溫柔地摸着許老師的頭，許老師閉着呼吸，一點也不敢動。 玫瑰的撫摸漸漸變得愈發粗暴，青筋由頭開始慢慢突起並延至全身「老師，你知吾知呀。李昆係我爸爸親自面試收佢入黎，依當知道佢的才智後，我每晚係屋企的知識吸收有幾痛苦呀！你知吾知當一堆野強硬塞入黎個種感覺！點解我要咁痛苦，但係佢就可以咁輕鬆！你話係吾係呀？」 面對玫瑰外表的異狀，許老師卻更加不敢移開眼睛，為免再說錯話導致再激化玫瑰，決定拼命點頭以回答。 「乖啦，只要老師你一直都咁乖，一直聽我講，你想要幾多次咁的獎勵我都可以俾你」玫瑰溫柔地拍一拍許老師的頭便跳到地上。「拎份野俾佢簽」 只見粟老師便一絲不掛地下床，在自己的袋內拿出一份文件給許老師。許老師這才發覺粟老師的身體有着大量大小不一，形狀不同的傷痕，可以明顯看出是長年累月才能造成的傑作。 看著遞過來的文件，許老師也不敢再觀察，決定仔細閱讀接過來的文件。 「老師你係咪有咩吾滿意？重要慢慢睇？」玫瑰的聲音如在九幽中 許老師眼角看到玫瑰像想再次拿起椅子，急忙奪過粟老師手上的筆，在粟老師指着的位置簽下自己的名字。 「好啦，咁我就等老師你好消息」玫瑰看見後許老師簽署後，便一蹦一跳地走了。 而粟老師也將第一張被簽署的文件拿走，不知何時已換好衣服的她也跟著玫瑰離開。 房間便遺下握着文件的許老師。