考牌啦: 實習-Case 5 (1)
「早晨呀夢，好耐無見啦」棋主任拿着剛沖的茶說 「早晨」對於一早就被單獨叫入主任的房間，夢的心跳正飛快地上升中 「我聽EZ講，你上次好博命喎，成個幾月都吾番屋企，重要好似吾夠訓，做做下昏迷左咁喎」 棋主任的說話完全聽不出究竟是褒還是貶，夢也唯有含糊其詞答「都吾係好博啫，係搵到結果的時候激動左少少先訓左一陣」 「唉，雖然你係後生又係實習期，想博啲我係明的。但係身體係重要的本錢， 捱壞咗係救吾番架。所以你依期去門面學下野先，廢事你咁快又亂黎」棋主任摸著額頭說 「棋主任」一把溫柔的聲音伴隨着敲門聲 夢轉身一望，只見一位帶著圓圓的眼鏡的小女孩站在門口。矮矮的她身穿着連衣裙，就像一個放大了的玩偶一樣。 「柔柔！！」夢的眼角有黑影快速閃過，在他眨眼再看，就發現棋主任正狠狠地抱着這位女孩，呼吸着女孩的味道。 柔柔的面立刻充血，短短的手不停想反抗 「棋主任，有人呀！」弱弱的聲音從柔柔口中發出 但顯然是徒勞無功，棋主任就像吸貓一樣對待柔柔。面對柔柔求助的眼神，夢也手足無措，用眼神表示著自己的愛莫能助。 在柔柔感覺仿似被全身都被蹂躪過後，棋主任終於一副心滿意足地回到自己的坐位，途中說着「柔柔你真係太耐無黎啦，我好掛住你呀」 「夢你頭先見到啲咩呀？」坐下的棋主任笑着問 看見這樣的笑容，夢就想起EZ笑的樣子，同樣是那麼蘊含豐富的感情和含意在內 「無無無...咁我係咪依段時間要跟柔柔姐？」夢的直覺叫他不要在這話題糾纏下去，便強行轉移話題 「係呀，你係應該叫柔柔姐。柔柔佢係門面係專家黎，你有啲咩吾識吾明都可以問佢」棋主任說着的時候有種莫名其妙的自豪感 「棋主任，都差唔多夠鐘啦，我地走先啦咁」柔柔整理好自己後，便急步拉着夢的衣袖，飛一般的離開。