若你信了我的大話 我就能聽見你的真話: 57. 能力的由來(下)
57. 能力的由來(下)
另一方面愛麗斯起初也以為在有了這能力後自己便能安心，不過很快她便因此察覺到原來國王根本不是真正的愛自己，加上對方漸漸的疏離，這讓愛麗斯感到既委屈又絕望。為了解開這心結，她找了祭司希望他能幫她消除這能力。祭司一方面可憐愛麗斯，另一方面亦覺得皇后擁有這能力對國家是危險的，於是便暪著國王進行了第三次作法並告訴愛麗斯當她懷有了國王的第二個孩子，這能力便會自然消失。
當愛麗斯為國王誔下了第二個孩子，國家的第一個王子後，她留下了一封信然後便俏俏地離開了城堡。
"陛下，我諗你決定比個超能力我果陣應該都無諗過衣個能力反而會將我地嘅關係推向懸崖? 起初，我以為衣個能力會令我可以好安心咁同你一齊，但點知當我真係想用嘅一刻我先發覺，原來我根本用唔出，因為當你真係愛一個人果陣，你其實係唔會忍心去呃佢，去欺騙佢，為嘅只係偷聽佢心入面諗乜… 然後我先發現，原來你根本就從來無真係愛過我。 由你當初決定呃我去探知我點解唔接受你果刻開始，你已經証明左你根本唔係真係愛我…
而最可笑嘅係當我唔忍心呃你所以一直都無對你用過衣個能力嘅時候，你卻因為驚我呃你而對我越黎越疏遠，到最後甚至你夜晚黎搵我可以一句野都唔講而純粹係為左解決你生理上嘅需要…不過其實都正常嘅，既然你唔係真正愛我，咁又點可能可以真正咁信任我? 但兩個人一齊，唔係應該就算無衣個能力都會了解對方諗咩?
不過你以後都可以唔駛再擔心呃你或者知你諗咩喇，因為我已經搵祭司消除左我衣個能力，只係既然你都唔係真係愛我，咁我地再一齊落去又仲有咩意思?
隨著王子出世，我作為皇后嘅責任都已經完結，希望你可以好好咁愛錫同養大佢地，至少唔好比佢地好似你咁連自己嘅另一半都唔可以相信…
一切珍重。”
國王看完這封信後沒有說甚麼，不過自此亦沒有再娶其他女人。而在王子十三歲生日那天，他把皇位傳了給王子後便也離開城堡消失了。有人說他去了找愛麗斯，亦有人說他頓悟出了家做和尚。最後真相如何沒人知道，不過在王子繼承皇位後，祭司卻把一個秘密告訴了他。
原來當愛麗斯找祭司時，祭司覺得讀心這能力對保衞國家很有用處，加上是國王用三年壽命換回來，不忍就此讓其消失，於是他偷偷改了作法讓這能力在愛麗斯懷孕一刻傳了給兒子。而在往後當王子繼承了皇位後，亦確實因為這能力讓他在年幼之齡便一次又一次解救了國家之後不同的危機。
國王和愛麗斯的事讓祭司心裏一直多了一個疑問，而為了紀念國王這好友以及國家的長治久安，他亦沒有再作法而是讓這能力一直以既有的方式傳承下去。結果這能力每一代都由國王在皇后有了第一個孩子時傳了給皇后，然後再在皇后有了第二個孩子時傳了給這個孩子。為此，祭司讓國王訂立了規則，最早懷有龍種的必然要是皇后，而皇位的繼承人則永遠是皇后的第二個孩子。當然，為了避免引起社會大亂，這一切都只有當事人在合適的時間才會被告知。
確實這能力讓國家及合法繼承人不論在和別國的外交及戰爭又或是國內自己的內亂和皇位爭奪戰都佔盡優勢。只是合久必分分永必合是天下大勢，而世界亦總是有人不喜歡守規則。多年後其中一個國王因見異思遷並沒有依規矩立了第一個孩子的母親為后，更因忌憚這能力而把孩子的母親和第二個兒子囚禁起來。不過數年後母親被大兒子救走了然後三人便一起流落了民間，而國王和國家在沒了這能力守護下亦日漸衰敗，過多了兩代便被鄰國所吞滅。這能力亦因而在民間一直流傳下來…
故事說到這裏，我已經大概明白Alfred的意思。
「所以你係國王嘅後人? 」我帶著疑惑問道。
「無錯。 」
「而我衣個能力… 係你傳比曉嵐然後曉嵐再傳左比我?」
「都無錯。」
「咪住! 你講衣個能力係要有小朋友先會傳比對方…即係…」我有了一個很不好的猜想。
「無錯，曉嵐之前係有過我嘅小朋友，而理論上之後佢應該都係有左你嘅小朋友先會傳左個能力比你…」他帶著點尷尬說道。
太震憾的消息，讓我有點消化不了。難道曉嵐真的是因為有了我的孩子所以選擇消失?
「咁點解個能力係傳左比我而唔係比左我地個bb?曉嵐唔係已經第二次有bb? 」消化了一會後我問道。
「之所以傳左比你而唔係你地嘅小朋友，係因為必需要相同嘅二人第二次有bb，衣種能力先會傳比下一代，如果係二人嘅第一次，咁種能能力就只會傳左比對方… 」Alfred解釋道。
「竟然係咁…」
「我知你心入面應該好震憾，亦仲有好多疑問…其實所有野都係一個錯誤黎。起初，我並唔知自己有衣個能力，亦唔知當日早已經傳左比曉嵐。我記得果陣曉嵐同我講有左bb後我地都好驚，然後我勸服左佢唔要個bb，但當我陪佢落左bb後過左排，佢就突然變得好怪，然後有日話要同我分手。
當時雖然有d突然，但我估佢應該係嬲我勸佢落左個bb所以要同我分手。直至我18歲生日果年，我父母將頭先嘅故仔話左比我聽，我先知自己原來之前一直有衣個能力。
當然，果陣其實我已經無左，不過父母一直以為我好乖，又驚我太早知自己有衣個能力會亂咁用，無諗過我咁快會同人發生關係之餘仲要無做安全措施咁做左爸爸…所以決定到到18歲先同我講。可惜當時我已經… 父母知我無左衣個能力好激動，追問下我先知原來我應該已經比左個能力曉嵐。
其實初初我都唔信佢地講嘅野，始終自己未試過邊可能會信d咁匪夷所思嘅野，不過見父母咁激動唔似講大話，又諗起之後曉嵐確實變得好奇怪，所以我都立刻去左搵曉嵐諗住問清楚。
點知同曉嵐傾完，真係一切都得到引證。佢話佢都係之前有幾次無意中發現自己衣個能力… 因為我父母嘅壓力，我問佢可唔可以將衣個能力傳返比我地第二個小朋友，不過佢當時無理我，轉個頭就走左。不過我當時覺得自己好衰，都唔好意思逼佢，所以諗住等佢消化下件事先再算。但過多排當我想再搵佢果陣，已經再搵佢唔到…
跟返時間序黎睇，如果我無估錯，我搵佢當日應該係佢同你發生完關係無耐嘅事，而因為你衣家有左衣種能力，代表佢果陣已經有左你小朋友嘅同時亦都將衣個能力傳左比你…」Alfred說出了因後果以及自己的分析。
「衣十幾年我一直搵都無曉嵐嘅消息，本身其實已經放棄左。直至我聽朋友講起你衣個人物，再見証過你查案嘅方式，你又咁岩同曉嵐當年個best friend一樣叫Kenny，我先諗會唔會係你…」見我仍然沒有反應，Alfred隔了一會又補充道。
「所以曉嵐當年同你分手後，就一直有衣個能力?」我很快整理完一輪思緒後問道。
「係…」
霎時間，我開始明白為甚麼曉嵐之後再沒有拍過拖，人亦再沒甚麼朋友變得十分弧獨…
以曉嵐那樣缺乏安全感又很介意別人怎樣看自己的性格，若她有了這個能力，她必定會不停對身邊的人使用以便知道她們想甚麼以及怎樣看自己.,.. 可惜人總是自私的，能真心無私對她的除了家人外可能就只有自己… 她當時一定對其他人和整個世界都覺得很失望…
不過如果她當時也有讀過自己的心，那麼她豈不是知道自己一直都喜歡她?
「我諗我要d時間消化下…」我緩緩說道。
「明嘅，雖然我都好想試下讀人心嘅滋味，不過隔左咁耐，我同我父母其實都放棄左要我拎返衣種能力架喇。知道左有人繼承左而又無用黎作惡，我估對佢地都總算有個交待… 總知希望你記住自己衣種能力，有能力就有相應嘅責任，唔好用黎做壞事啦。之後如果你有咩問題，隨時可以搵我… 」他拍了一拍我的膊頭，然後便離開了。
(曉嵐… 我終於開始有D頭緒點解你當日要不辭以別… 到底你同我地個BB過成點? 你最後有無生佢出黎?)