若你信了我的大話 我就能聽見你的真話: 51. 澳洲之旅(五)
「下? 咁勁? 咁你講下我衣家諗緊咩?」正路地，Yanny一開始不可能會相信。
「60992305」我閉上眼說出了一堆數字，然後當我打開眼時，看見她的笑容已經僵硬了。
「咁衣家呢…」隔了一會她再問道。
「6月28日。」我再次閉上眼然後回答。
「…你真係識讀心?」她有點口震震地問道。
「信喇? 放心啦，我唔係可以無休止咁運用衣個能力，而係必需要符合某D條件先得… 我知你會信，係因為你都同樣見証過衣個世界荒誕嘅野。」我認真地說道。
「荒誕? 所以…你真係知道晒?」Yanny知道我指的是甚麼。
「Sorry… 初初問你點解黎澳洲果陣你引起左我好奇心所以我偷偷對你用左衣個能力， 然後先知道你就係李乘風個契妹欣欣。」我帶著點歉意說道。
「你…點可以咁架!」她帶著驚慌又有點生氣地說。
「對唔住… 其實我講你聽，都係因為我想解開你對郭靖嘅心結。而係頭先，我都讀左佢個心一次…」我明白被人讀心的感覺就像被人扒光衣服赤裸地展露於人前那樣難堪，所以我很理解她為何生氣。
「攪錯呀，你再係咁我要... 我要去私隱專員公署度投訴你架!」
「放心啦，正常我唔會亂用衣個能力… 話你聽都係為左引你聽郭靖嘅心底話去幫你，同埋証明比你睇郭靖頭先所講嘅都係真心話啫… 所以衣家你可以信我啦?」我嘗試轉移話題並極力說服她相信我。
「知喇… 學佢話齋，將心比己就會明… 其實我曾經都真係有諗過好無為左報答佢而同佢一齊… 不過我同佢諗嘅都一樣，所以好快打消左衣個念頭，只係希望有日佢可以搵到另一個佢鍾意人人又鍾意佢嘅女仔快快樂樂咁一齊。」
「咁你衣家清楚晒啦~ 既然上天比左個惡作劇你地，你地都只可以接受，然後以最開心嘅方式演埋落去。」人有時最難便是要接受現實。
「我知，我會好好諗下... 不過唔好扮晒野轉移話題，衣家我更有興趣嘅，係關於你嘅能力…」她很快又回到這話題。
「唔駛擔心，其實係要乎合左某D條件，我先可以短期內聽到人嘅心聲，所以之後我都唔會再知你諗咩架喇。」我安撫她道。
「你一直都有衣個能力?」Yanny帶著點懷疑問道。
「其實我都唔知自己幾時開始有… 但由於係讀大學無耐果陣無意中發現，所以我懷疑係曉嵐走左之後先有。可能個天知我太想知道答案所以比左衣個能力我…」我說出了自己的推測。
「都唔排除有衣個可能…其實乘風哥哥個”病”，都係黎自佢爸爸比人嘅詛咒… 所以可能衣d能力，都係同人有關。」Yanny分析道。
「可惜一日未搵到佢，一日我衣個能力都用唔著幫我搵答案呢…」
「其實你會唔會因為咁變得好孤獨?」靜了一會後Yanny又問道。
「點解你會咁覺得?」我沉寂了一會，然後別有深意地望了一望Yanny問道。
「一來你一定要獨自收埋衣個秘密，唔係都幾麻煩，同埋應該個個都會驚比你知道佢地諗咩所以無人會敢再接近你… 二來你知道晒人地諗咩，其實你自己應該都好難同人交心，因為每個人都總有自己嘅私心同埋陰暗面，而衣D全部都會令你對佢地失望，唔想交心，好難去相信佢地… 至於女朋友就更加難添啦，你可能會好易受傷… 諗諗下衣個能力其實都唔值得羨慕…」Yanny一口氣說道。
「勁喎，咁短時間你都已經諗得咁仔細… 係呀，所以我從來沒無同人講過自己嘅能力，你真係第一個… 至於後面個問題，好彩其實我一向都唔算太care人地諗乜， 所以我正常都唔會亂對其他人用衣個能力，你今次衣個真係算係一個意外黎架... 而且之後我慢慢更開始利用衣個能力去幫有需要嘅人，希望用得其所。我其實都係靠衣個能力先知Sarah原來一直係澳洲同係你果間孤兒院長大架咋。」我再補充了Sarah故事上的一些細節給她聽。
不得不讚，Yanny確實很快已經掌握到有些我沒向大家說明過的感受。正如她所說，當你真的有這能力時，你便會發現其實真的未必值徥羨慕。Yanny果然是一個善解人意又細心的女孩，她的了解讓我對她多了一種親切感，好像遇到一個知心人一樣。
「咁都好呀， 唔用佢做壞事不得只仲用黎幫人，衣點係值得欣賞嘅~ 不過未經人同意就讀人心衣個做法，就始終都係值得商榷喇… 」我感受到Yanny仍然介意我對她和郭靖的行為。
「係嘅… 所以我自己嘅操手係好重要，同埋我都只會講fact而唔會講當事人嘅感受比人聽。而且無人知我可以讀心，就唔會有hard feeling啦…」我嘗試為自己開脫解釋。
「咁都係自欺欺人啫… 不過上天比得衣個能力，可能都真係有佢用意嘅… 咁點解你又咁信我肯講我聽?」
「一來讀完你心後有D同情你想解開你同郭靖個心結，二來我覺得你好善良唔會害人亦唔會出賣我，三來其實我都唔知，就係有個衝動想同你講… 其實正常情況我一開始都唔會因為咁就用衣個能力，不過可能身處外地又見到自己人所以心態有D唔同左掛…」
確實其實我自己都不太清楚原因，也許最合理的解釋就是Yanny自己本身的吸引力。一看見她，我就已經敏銳地察覺到她內心深處應該有很多的心事和秘密讓你想去折解。
「哈哈，多謝你信任喎~不過咁我都唔知應該係多謝你定嬲你好… 」
「有D野，唔駛咁執著嘅，有時好多野其實都係整定，然後一環扣住一環…」我帶著感觸說道。
和Yanny再閒聯多一會，第二天我便踏上歸途返回香港，然後又把Sarah的近況和照片給了Joey。她一邊看一邊流眼淚，雖然餘生不知有沒有相見之日，但至少知道對方正健康快樂地生活，對父母來說可能已經是很好的禮物。她不斷向我道謝，還答應我會盡力幫手找尋曉嵐。
見完Joey後，我馬不停蹄去找了另一個人，一個我已十年有多沒見的人。