倒流重遇妳: 倒流 時間:Form3

望住個信封，我呆左半晌。因為呢個信封，證明左頭先發生嘅一切

都 唔 係 夢

咁頭先究竟發生左咩事…… 我諗左好多個可能：我依家身處天堂、被傳送到其他平行時空、同埋

時光倒流

為左驗證我嘅猜測，我決定先起床睇吓出面係咩情況，但係可能因為啱啱從天台「跌」落來太驚，我對腳用唔到力。





我將目光重新轉移到個信封到，其實佢同普通嘅信封可以話係完全冇分別，只不過冇地址，寄信人，收信人等資料喺上面。

我拆開個信封，入面只係得一張比人摺左幾下嘅紙，我攞佢出來並攤開佢，上面寫滿左密密麻麻嘅字：


我唔知睇緊呢封信嘅你係邊個，不過我估你呢一刻應該充滿疑惑，其實一切都十分簡單——純粹係我幫你穿越時空返去以前，亦就係所謂嘅「時光倒流」。而我唔知點解我會幫你，不過好大機會都係我飲醉酒又咁啱見到你。時間大約會倒流返去幾年前，你要自己搵下你實際倒流返去幾耐之前，而你要記住，你依家做出嘅任何行為都有可能會改變你本身嘅未來，加油啦。


「WTF……」呢個係我睇完封信之後第一個講出口嘅字。如果唔係啱啱發生嘅所有事，我應該會以為佢有精神病。而我隻腳都終於有返力，我走出客廳攞起部手機，上面顯示嘅時間係





2018年7月21日 星期五

即係代表時間倒流返來3年前，雖然封信都已經解釋左，但我知道呢個事實之後都係幾震驚

我之前成日都幻想自己如果可以返去以前會做咩，買六合彩，扮預言家……但係當而家真係返左嚟以前，我竟然唔知自己應該做啲咩

我行入廁所，因為我想睇下我3年前嘅樣

「我可以點樣改變我嘅未來……」我望住鏡入面自己4年前充滿稚氣嘅樣諗





究竟呢個「機會」，係比我嘅折磨，定係救贖