上流養成法: Chapter 3
「Edward Lau」這個名字一直都在我的腦海中揮之不去。事先聲明我絕對不是喜歡他，但我卻不得不承認自己想更加想深入認識這個人。小時候在平民區長大，如何成年後可以渾入上層社會？這簡直是我的夢想了吧！
為何有些人不斷努力，他們還是原地踏步，有些人就能附搖直上？看著枱頭印著金色「Edward Lau」字體的卡片，我終於忍不住，拿起手機並撥打給名牌友。
「喂？」電話另一端傳説道。
「喂，Edward? 我想學做有錢人吖！求你教教我！」我喝望地問道。
「我呢個星期四大約3點會去星發，到時麻煩你著你覺得最視正嘅衫嚟見我。」
「好！我攞定位等你！」
雖然我不清楚為什麼他要我穿得體的衣服，但我想這是融入上流社會的第一步。
從那天晚上起，我腦中只會想著怎樣配襯我衣櫃裏的戰衣。雖說是戰衣，但通通都不級Edward 上次被奶茶弄髒的恤衫。我的只不過是從大型連鎖店減價的時候買來的。
終於到了星期四，緊張已經不能形容我的心情，聽落似個騙局，但不知為何我從Edward的談吐間而對他深信不疑。
3点正，我懷著不安的心情到達星發。誰知一推開門，Edward 已經坐在上次的那個卡座中優雅地吃著新鮮出爐的蛋撻。
「又話攞埋位等我嘅？」Edward邊説邊露出他的招牌微笑。
「我都冇遲到，你早到嗻。」我立刻為自己辯護。
「哈哈，要埋有錢人堆，基本都要早15分鐘。有時可能要早成個鐘到。」
「成個鐘？！」以前我見工最多都只是早到10分鐘。
「通常佢地唔中意人遲到，所以自己會早到。如果佢早咗半個鐘，但你只係早咗15分鐘，佢就已經等咗你15分鐘。如果知道佢地嘅時間觀咁你就可以就反時間。」
「咁姐係我要mark 低曬佢地嘅出發時間？」
「最好啦。」Edward慢條斯理地回答。
「坐低叫野食先啦。」Edward 吹涼手中的奶茶，並對我説。
「哇，正吖！叫反杯凍檸茶先！」我用手背擦了擦額頭前的汗水。
「抹下汗先啦。」Edward微笑並遞給我一條白色絲巾。
他的行為簡直令我震驚，現在竟然還有人帶絲巾出街？而且還是個男人。
我接過絲巾並説：「唔該！你都算係我識嘅人入面最講究！出面成30幾度點解你著住長恤襯都冇出汗咁嘅？」
「我梗係有出汗，不過見你之前已經抹咗，同埋我黐咗防汗貼喺架甩底到所以無汗漬。」
我尷尬地看看自己的腋下，我真的想找個洞躲起來。
「一條絲巾唔夠嘅話我有第二條，你用唔用？」
「你究竟收埋幾多條絲巾？」我非常疑惑地問。
「兩條囉。」
「吓？點解要帶两條？」
「你冇女朋友呢？或者你每段關係都唔長？」這次Edward帶點恥笑地問。
「God！你點會知㗎？我每次拍拖都冇超過半年！」
「我講你知啦，我帶定兩條唔係因為我無聊，一條係俾我自己，另一條係俾如果有女人喺我隔離喊個時用㗎！」
「哇屌，洗唔洗咁老土吖？不過睇落都幾浪漫。」我差點就把檸茶噴出來。
浪漫？我想女人覺得最浪漫的東西是錢吧。
「所以你咪冇女朋友囉。你試下下次帶定同啲女仔出街啦！」Edward 暗串我。
「我鬼有錢買啲高級絲巾咩？」我感嘆道。
「呢兩條我都係喺呢到附近買。100蚊有找。」
「唔L係吖麻？咁滑咁香嘅？」
「當你俾其他人用嘅時候，通常都係人地有需要嘅時候，唔通人地抹眼淚個陣仲會理你呢條係咪Gucci 嘅絲巾咩？條絲巾冇將你嘅地位提高，係你行為舉止令到呢條平凡嘅絲巾變得有價值。」
一直都不聽老人言的我，這次都覺得Edward 説得有道理。
「哇，我今日真係學咗好多野吖！」我諷刺地說。
「係喎，未問你做咩行業Tim?」我好奇問道。
「我咩都做下，冇固定職業。」雖然Edward 邊吃鬆化的酥皮蛋撻邊説話，但他仍然可以保持枱面整潔乾淨。
「咩話？咁你咪同我一樣？冇正職喺到扮有錢人？玩野吖你阿叔？」我怒氣沖天地説道。
「打工係幫緊有錢嘅人更有錢，但扮有錢人可以令自己更有錢。」Edward顯然沒有被我的怒氣影響到，他依然氣定神閒地説話。
「講咩吖你，以為自己係金句王吖？咩扮有錢人令自己有錢吖？妖，曬我時間！」説完我便準備起身離開。
「我以前都好似你咁，埋怨個天唔公平，點解有啲人一出世就有人車出車入，但我就由細就要迫巴士？」Edward 收起他的笑容，並用較嚴肅的語氣説道。
「我冇諗住要留你，只係見到你好似有啲見反以前迷惘嘅我嗻，不斷send job application，又不停被拒絕。你甘心之後拎住雞碎咁多嘅人工為啲大公司做牛做馬咩？」
Edward 就好像懂讀心術一樣，看透我的心。無錯，我真的不甘心我未來的命運變成如此。雖然看似是個騙局，但我也沒有什麼可以輸，為何不放手一試？
聽完Edward的話，我坐回原先的坐位，即管看看他是不是個騙子。
「咁我而家要做咩？」說話時我並沒有直視他的雙眼。
「幫你搞搞你個新look，如果你外表唔吸引，點會有人想了解你嘅內在？」他上下打量了我，重新掛著微笑道。