因為個火山孝子，我識左對孖妹: Ch.45

兩個月前，蒂蒂生日那天…

她與Nicholas約會慶生，那天一切順利。那夜蒂蒂在Nicholas家中渡過，自然地二人發生了他們之間的第一次。那夜蒂蒂完全將身心交給Nicholas，但那天以後兩人的關係開始變質…

蒂蒂和Nicholas的關係不像熱戀期那樣痴纏，二人聚少離多，而每次Nicholas與蒂蒂見面都是肉體上需求為主。起初蒂蒂還是配合，畢竟蒂蒂對Nicholas的感情是完全投入。但時間一久，蒂蒂開始對這種性多於愛的關係感到厭惡。

蒂蒂嘗試過與Nicholas溝通，只是Nicholas敷衍了事。最後Nicholas為蒂蒂每次的纏繞感到煩心，便提出分手。蒂蒂當然不會接受，可是Nicholas狠心的跟她攤牌…








「明明之後都好地地，點解要分手?」蒂蒂說。

「我地冇可能架啦，分手都係遲早嘅事。」Nicholas不耐煩的說。

「係咪我做錯啲咩?我改啊。」蒂蒂纏擾著Nicholas。

「妖，你煩唔煩啲啊，有啲野唔洗講到明啦吓話?」Nicholas推開蒂蒂。

「你係咪鍾意左第二個?」蒂蒂又追問。





「你咁想畫出腸啊嘛，好，我而家同你講我由一開始就冇鍾意過你，我當你係免費雞咋，咁你滿意啦?」Nicholas狠狠的說完便離開。

蒂蒂聽到Nicholas的心底話後傷心欲絕，覺得自己只是個洩慾工具，開始自暴自棄。在網上賣相，甚至當出租女友，又經常喝酒麻醉自已，直到遇上我之前都是過著這種生活…

我問蒂蒂有否告訴淇淇，她說沒有面目面對淇淇，因為當初沒有聽淇淇規勸，才落得如此田地。

我心急追問:

「咁淇淇去左邊?」





「家姐過左生日無耐，話想搬返去陪爹地媽咪。」

陪父母?這是避開我的藉口嗎…

我很想立刻去找淇淇，可是我眼前的蒂蒂經歷了一場悲痛…我無法丢下她…

「你係咪覺得我係一個隨便嘅女人?」蒂蒂突然問。

「唔怪得你，錯嘅唔係你。」我搖搖頭說。

「但係以後唔好作賤自己，仲有好多人關心你。」我繼續說。

「嗯，多謝你。」





蒂蒂突然上前挽著我的手臂親吻我的臉頰，我被她一吻嚇住…這是感激之吻嗎?

這一吻令我想起重遇蒂蒂那晚發生的事…當時她喝醉了，現在應該是清醒吧?

「正話先話你唔隨便，而家又周圍錫男人，有返啲矜持好冇?」我又對蒂蒂說教。

「我淨係會錫我鍾意嘅男人。」蒂蒂嬌羞的說。

「吓，蒂蒂你講咩啊?」我驚慌地問。

「我而家先知你對我嘅好，係我以前唔識珍惜，」蒂蒂用真摰的雙眸望著我。

「我知你都鍾意我先對我咁好，係咪?」她繼續說。

「蒂蒂……我以前係鍾意過你，但係…」我支支吾吾的想解釋。





「但係咩?」蒂蒂問。

我從沒想過蒂蒂會這麼直接，雖然唐突但至少比我坦率…淇淇從前曾說過我自以為偉大，其實只是懦弱，而這份懦弱令我失去淇淇。面對真摯坦率的蒂蒂，我不能再回避，免得再人受到傷害…

「但係而家我已經有鍾意嘅人，對唔住。」我用最大勇氣拒絕了蒂蒂。

「咁點解你仲對我咁好?做咩要呃我?」蒂蒂情緒突變。

「我係出於朋友嘅關心，如果令你誤會，對唔住…」

「我唔要聽對唔住，點解你地個個都係咁。」蒂蒂推開我。

「我就係唔想呃你，唔想將你當替代品，你啱先經歷完一段傷痛，我唔想你傷得更加深，如果你想憎我嘅就憎啦。」





「我唔想見到你，你走啊。」

其實我早就知結果是這樣，長痛不如短痛，我必須當這個壞人。這個世界好人難做，壞人更難做。我不求蒂蒂理解我這樣做，至少在短時間內她的傷不會再加深…