因為個火山孝子，我識左對孖妹: Ch.44

我收到肥軒的訊息後，就立刻打電話給肥軒…

「喂，肥軒你講關於蒂蒂嘅事即係咩事?」接通後我立刻問。

「一講到蒂蒂啲野就咁快手，明明我啱先send俾你。」

「咪講廢話，講重點。」

「我而家係街，有啲唔方便。」





「你條撚樣咁夜仲係街，一定約左女啦。」

「喂…喂…電話好似收唔到信號，我返到去先再講啦。」肥軒隨即掛掉電話。

「仆街仔…」我望著被掛掉的電話。

我整晚在床上輾轉反側不能入睡，又是一個失眠夜。自從重遇蒂蒂後，每個晚上都無法好好入睡。我每晚不是想是甚麼原因令蒂蒂變成這樣，就是在想淇淇搬走的原因，她究竟去了哪?

而今晚因為肥軒的吊癮更令我無法合上雙眼，很想快點知道是甚麼事，同時又對個消息孰好孰壞感到不安…





「喂，我都係啱啱返先到屋企，你咁夜都未瞓。」肥軒終於捨得接電話…

「你好快啲講咩事，唔係我瞓唔著。」我用命令的語氣說。

「我都問過Sandy意見佢話應該講你聽，但你知道左可能會頂唔住，你確定想知?。」

看來是個壞消息，但我仍想知蒂蒂發生甚麼事…

「屌你講就講啦。」我心急如焚。





肥軒說以前淇淇台的觀眾在Discord貼了一條Patreon網址，點進去原來是蒂蒂的Patreon。他又說:

「聽班友講，入面係賣蒂蒂啲相，但係啲相就…」肥軒說到一半欲言又止。

「就點啊，講啦!」

「有啲性感囉。」

「性感相?就咁咋?頭先仲講到好嚴重咁。」

現在大家對性感一詞早就習以為常，又不是在上世紀，稍為性感沒甚麼大不了。

「佢地話俾啲越多錢啲相嘅越祼露，最多啲錢個plan仲有出租服務。」肥軒繼續

出租服務?蒂蒂在網上賣春!?我聽到後非常震驚，同時又感到心寒，為何蒂蒂要這樣傷害自己?





我震驚的說不出話…

「你冇野啊嘛?」肥軒看我不說話。

「你講真定…講假?蒂蒂出嚟做?」我嘴角不斷在震。

「班友係咁講，我冇詳細睇過。」

「我自己去問蒂蒂，唔該晒。」

說畢我掛掉通話，立刻打給蒂蒂，沒有人接聽…可能已經睡了，畢竟現在是凌晨兩點…

聽這個消息後，我雙眼一直睜著到天亮，究竟蒂蒂這兩個月遇到甚麼事變成如此…





天一亮我沒去上班，直接衝到蒂蒂家…

「阿峰，咩事咁早啊?」蒂蒂睡眼惺忪的開門。

「我有啲野要問你。」我語氣變得嚴肅。

「有咩入嚟先講，我去刷牙先。」蒂蒂似乎沒察覺我的神情。

「蒂蒂!」我把她喝住。

她被我嚇住望向，留意到我表情，我接著嚴肅的問:

「你係咪上網賣相，仲有賣身?」

蒂蒂用驚訝的表情望著我，像在說我為甚麼會知道……她無言以對。





「唔出聲即係認啦，點解你要做啲咁嘅野，你唔係應承左我唔傷害自已架咩?」我對著她激動的斥喝。

「我冇同佢地做過啊，淨係出過街咋…點解連你都要咁對我?」蒂蒂說著便淚如雨下。

我錯怪她了嗎?但她確實有做過類似的交易，雖然沒到那個地步。可惜我還是敵不過女人的眼淚，只好上前安慰…

「好啦好啦，係我大聲左我唔啱，唔好再喊啦。」

「我真係冇同佢地做…」蒂蒂泣訴著。

「嗯，我信你。」我摸著她的頭說。








良久，蒂蒂的心情平伏下來，她開口:

「我見返你之後我冇再賣相冇再同人出去。」

看來蒂蒂有遵守到與我的承諾…

「你話俾我聽點解之前要咁做，發生左咩事?」我問。

她點點頭，開始跟我娓娓道來所有事情的始未…