因為個火山孝子，我識左對孖妹: Ch.46

在拒絕蒂蒂後，我不斷質疑自己這次是否又做錯選擇，從前的我因為不想當壞人而不順心選擇，如今我選擇當個順心的壞人內心卻不斷愧疚…

「峰哥你都幾好野，上次淇淇你又唔敢講，今次蒂蒂你又推開。」肥軒坐在我身旁說。

「至少阿峰今次冇呃自己，就算傷害左蒂蒂，但都好過一直呃住佢。」旁邊的Sandy說。

我明明是約了肥軒在酒吧打算Men’s talk喝酒吐苦水，豈料他來的時候身邊卻多了個Sandy…







「仲好講，淇淇單野咪因為你搞到我唔敢講。」我向肥軒埋怨。

「明明係你自己淆底唔敢講，咪拉埋我落水。」肥軒無情的撇清。

「咁你而家有咩打算?」Sandy問我。

「仲可以點，咪食自己，又搵唔到淇淇，又冇可能問蒂蒂究竟淇淇住邊。」我嘆氣的說。

「又唔洗咁灰，最多我再幫你打探下淇淇嘅消息。」Sandy道。





「唔該晒，阿嫂，好彩你有嚟，得肥軒嚟嘅話都係成碌木咁聽我呻。」我感激地說。

「邊個同你阿嫂，再亂講睇下我幫唔幫你。」Sandy怒氣中帶點羞澀。

「唔洗唔認啦，上次見到你去肥軒屋企都知有啲野，今次仲帶埋你出嚟，想曬盲我咩。」

肥軒和Sandy被我說中後，不敢對視，二人的氛圍變得尷尬。可能有我這個外人在場，我見狀只好藉機離去，免得當個電燈泡…

「我仲有啲野做，走先啦，你地慢慢坐啦。」





離開酒吧後，不想回家對著四面牆，只好在附近閒逛，走著走著，走到碼頭附近，我被busking的歌聲吸引住…



我們是對方 特別的人
奮不顧身　難捨難分
不是一般人的認真
若只有一天　愛一個人
讓那時間每一刻在倒退
生命中有萬事的可能
你就是我要遇見的　特別的人


是方大同的歌…特別的人





我對於你來說只是過客還是特別的人?

若果愛一個人可以真的令時間能倒退，可以倒退到我不敢說出心意的那一刻嗎?

一首浪漫的曲目被我苦澀的心情扭曲成慘情歌…

我聽不下去打算離開時，身邊飄過熟悉的香水味…就有如當初與你相遇，你拍我肩膀的那一瞬間…

我回頭看，那身影已走遠，旁邊有個高大的身影伴著並行…淇淇那個人是你嗎?你已經有新的對象了嗎?

我無法單憑香水味就認定是淇淇，又或是我不想承認那個有伴侶的人是淇淇，仰或是我太過想念淇淇連氣味也是幻想出來…

即使再想念淇淇，日子還是要過，我又開始過著沒有孖妹的日子，這也不是第一次…

今天跟同事調了更，在凌晨時份工作比較自在舒服，客人寥寥可數，加上午夜的安寧，顯得額外冷清…





我做好份內事後，在滑著電話打發時間，一張熟悉的臉孔出現在我眼前…