(輕鬆 | 校園) 只有一年回憶嘅高中生涯: 9章 - 同學嘅靚女家姐

如果讀者喜歡此故事，希望你能正評+留言，或到penana點「喜歡」，謝謝你的支持！
 
https://www.penana.com/story/90093/輕鬆-校園-只有一年回憶嘅高中生涯
 
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
 
9章 - 同學嘅靚女家姐
 
「屌你兩條友，家姐有咩好睇呀！」我超不滿。
 




「唔好咁喇。同學有靚仔阿哥，女同學會想上去睇；有靚女家姐，男同學會想上去睇，呢樣嘢係必做架。」書銘個人渣不停勸我息怒。
 
我︰「屌！嗰個我家姐呀！」
 
「唔好咁啦，我哋會乖乖哋架，俾我哋上去睇吓喇。」同書銘夾硬上嚟我屋企嘅皮蛋幫書銘口。「你家姐喺屋企呀？」
 
「關你哋鬼事！」
 
書銘︰「我哋上去幫你溫書吖，嚟喇，俾我哋上去睇吓喇。」
 




我︰「屌，你哋想溝我家姐咩，有乜好睇？」
 
「你家姐張相好靚吖嘛，想見吓真人呀。」書銘向皮蛋打眼色。「反正都要溫書，咪搵啲樂趣咁囉，我哋會教你架嘛，皮蛋係咪呀？」
 
皮蛋︰「嗯。」
 
我望咗皮蛋一眼。
 
「…」
 




阿皮蛋，你都係收皮吧喇。
 
我︰「你哋冇家姐細妹咩？」
 
「有條撚，阿哥細路就有，所以對『家姐』呢個身份有啲啲咁多好奇。」皮蛋合埋食指頭同姆指頭講。
 
「輝記，你有個靚家姐，講！你有冇偷睇你家姐沖涼？」書銘手指指。
 
我：「痴線，唔好喺佢面前亂講嘢呀，陣間個癲婆當真就大鑊。」
 
書銘︰「咁你家姐沖一次涼你可以射幾多次呀？」
 
條癲婆…唔講嘢嘅時候又真係…
 
我：「屌你收嗲呀！講完未呀！再講我家姐沖涼我走喇。」




 
書銘︰「sorly，sorly，我唔好，我道歉。」
 
皮蛋︰「羨慕你有個好家姐啫。」
 
我︰「一啲都唔好。」
 
皮蛋︰「家姐冇照細佬咩？」
 
我︰「咁你會唔會照你細佬吖？」
 
「真係會喎。」書銘同皮蛋異口同聲。
 
屌，即係我首抽抽得唔好，抽著隻哥斯拉。
 




「即係我覺得呢。」我諗咗一下。「只有阿哥會照住細路妹，家姐好少照住啲細，至少我識嘅人係咁。」
 
書銘︰「唔係掛？你話佢做緊嘢，冇俾少少錢你洗？冇教吓你溫書？」
 
「有條撚！」講起呢啲，我扯火。「佢笑我就有份！話我做男仔做到咁廢！」
 
皮蛋同書銘聽完之後淫淫嘴笑。
 
屌你哋！
 
「講起家姐就只會覺得核突！去廁所唔沖廁、M巾周圍丼、頭髮塞住去水口又唔清、嘢又多又周圍擺……」
 
書銘︰「嘩，睇嚟輝記對佢家姐仇恨甚深。」
 
我︰「何止仇恨吖！我想質佢食番晒啲M巾呀！算喇，有咩好睇，盞你哋幻想破滅。」




 
「唔係。」皮蛋出口截住。「我哋上去溫書架，我哋有帶書架。」
 
書銘︰「喺廳咋嘛，你唔識咪又係喺電腦問我哋。」
 
「唉，好喇好喇好喇。」
 
我都唔明，人哋家姐有咩好睇。佢兩個聽到我話我家姐今日放假，又見過我家姐張相，就抽起條筋話想拜會吓，順便溫書，而家將所有嘢調轉嚟講。
 
希望我家姐出咗去未番喇，最好直到今晚都唔好番。