(輕鬆 | 校園) 只有一年回憶嘅高中生涯: 第10章 - 同性嘅第一次拜訪

如果讀者喜歡此故事，希望你能正評+留言，或到penana點「喜歡」，謝謝你的支持！
 
https://www.penana.com/story/90093/輕鬆-校園-只有一年回憶嘅高中生涯
 
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
 
第10章 - 同性嘅第一次拜訪
 
咔嚓。
 




我︰「入嚟啦。」
 
後面兩條友好似做賊咁東張西望，怯生生咁跟住我入屋。
 
書銘︰「第一次上輝記屋企，都幾骨子。」
 
我︰「係咩？你唔講都唔覺。」
 
屌，呢個書銘好似打咗傻仔針咁，同平時寸到爆嘅形象有太大落差。
 




我︰「兩位，麻煩先洗手。」
 
話說，我老母呢？出去之前仲同我爭廳用，而家出咗街？
 
皮蛋︰「第一次上吖嘛。女仔之間成日上人哋屋企，點解男仔反而冇乜？」
 
書銘︰「男仔有時間就出去打波喇，點樣喺屋企打波呀？打機要連線又要留喺自己屋企打，唔通托部電腦去人哋屋企呀？有notebook又唔同吖，我冇呢！」
 
屌，有道理，皮蛋啲問題真係唔係幾經大腦。
 




書銘︰「其實我唔明，啲女仔匿晒喺屋企做咩？咁鐘意上人屋企嘅？」
 
我都想知點解。
 
「喺囉，點解嘅？麗連同光秀咪成日上對方屋企。」皮蛋望向我講，好似講緊我哋嘅共同記憶。
 
我︰「佢哋玩到上床架喎。」
 
「我哋成日都見佢哋攬住對方，其實佢哋咩關係？」皮蛋刻意引起我哋幻想。
 
「女仔呢啲嘢好平常啫，感情好會出街拖手喇，don’t FF too much得唔得吖皮蛋你個青頭！」面對皮蛋，書銘回復番佢寸嘴本色，拍枱鬧皮蛋。
 
「都話我叫Peter…！」
 
挑，你收皮喇！




 
「之但係咁，感情好到上床玩，乜感情好嘅女性朋友會好到攬住上床架咩？」我順住思路去問多步。「我真係未聽過喎，即使係初中年代。麗連同光秀都係自從肺炎開始先咁親───密。」
 
「…」書銘終於唔出聲。
 
書銘會唔會係唔肯將身邊朋友拎嚟幻想？！哎喲，原來佢咁純情！明明麗連同光秀咁好FF！
 
唔係喎，諗番轉頭，麗連之前好在意邊個男仔入過光秀房，麗連自己又成日入去，唔通…Google meet上堂嘅時候上人哋張床嘅人…係佢哋…？嘿嘿嘿…果然佢兩個好適合拎嚟FF！
 
「喂輝記，你家姐呢？」書銘拍我手背兩吓。
 
唔好用我個核突家姐做擋戰牌！
 
「輝記。」皮蛋望向我房門。「你間房呢，會唔會收埋好多變態嘢？」
 




「屌而家咩年代呀？變態嘢喺晒電腦裡面架嘛！」書銘細聲講大聲笑。「拆開佢部機，話唔定知道佢有偷睇家姐沖涼呀！」
 
我︰「喂，又話會乖乖哋！陣間隔牆有耳我就仆街！」
 
幻想吓個仆街家姐講︰「咦，你朋友話你間房收埋啲不可告人嘅嘢喎，收埋咗幾多呀？」個賤樣，真係想眼鏡都打爆佢。真係唔好俾佢搵到笑柄，唔係幾個月甩唔到身。
 
「輝記，你屋企都冇人。」書銘見所有房門都開晒，房內面嘅陽光照到入大廳。
 
我︰「睇個樣就出晒去，如果唔係實出嚟問長問短。」
 
耶！真係好運，屋企人出晒去！等兩條撚樣坐到屎忽痛就掃佢哋走！仆街家姐記住唔好咁快番呀！
 
「屌你溫書喇望。」我同不斷咁張望嘅書銘講。