我有一種好變態既超能力: 成人玩具店遊記

「先生有咩可以幫到你呢？」一位中年女店務員問我。


我係第一次黎情趣用品店，心情係非常之忐忑不安，但係內心又心如鹿撞咁興奮！


「我可唔可以拆開佢睇睇？」我手持某品牌既假陽具問女店員。


女店員拆開包裝，然後好細心咁講解產品既來源、功能同特式。但係我只不過係想摸夠六十秒就閃人，所以我就好霸氣咁打斷佢既說話：「我要試用！」




女店員顯得一臉茫然，而望見佢既表情我先發現我講錯說話，之後女店員好尷尬回應我：「先生...我地既產品唔設試用架...」


比女店員講一講，攪到我紅都臉哂，霎時之間令到我想逃出哩一個地方。不過，當我一轉身望見一張大隻佬拎住假陽具既廣告，令到我腦海中浮現一句電影對白...


「你行得上台，唔好怯呀，怯，你就輸左成世！」




冇錯，唔好怯！難得有一種咁既超能力都唔好好運用！我打量女店員全身，再怒啤佢一眼，然後從佢手中搶過假陽具。女店員被我嚇得不知所措，不過我更加不知所措，因為往後既六十秒先係重點。


頭果十秒，女店員嘗試整理自己既思路，然後好嚴肅地話：「真係唔可以試用！會臭！」


之後我再用十秒扮同性戀者輕輕撫摸枝假陽具，再轉用溫柔既聲線回答佢：「唔用，只摸，唔會臭，嘻嘻。」




氣氛隨著時間既增加而更加緊張，同時又寂靜得可怕。十秒後，我相信再係咁落去佢會從我手中奪回假陽具，所以我要用一個方法令到佢唔敢接近我。我開啟假陽具既電動功能，然後擺出一個高潮樣，再配合一把呻淫聲：「啊...啊...」


女店員被我嚇到退後幾步至到收銀機位置，然後又用十秒重整旗鼓再接近我，就好似一匹野狼等待機會從鹿群之中搶奪幼鹿。仲差二十秒我又點會咁易比佢得手！所以今次我要出絕招扮痴線佬！我一個華麗既轉身，舉起碌假陽具扮咪，開始唱出一首歌，一首形容而家氣氛既歌《The Sound Of Silence》：「Hello，Hello darkness， my old friend...」


女店員由一匹野狼變成一隻芝娃娃，佢再唔敢走近我，然後自己塞縮於一角。我將假陽具放回盒中，緩緩走近女店員身邊，將陽具物歸原主。當我離開店舖時，女店員仲未清楚發生咩事，只係識得伸長條頸同擺出一副O咀樣。接下來既日子，我當然係等待某位女顧客買枝野返屋企啦，但係究竟會唔會咁順利呢？


每一晚臨訓之前，我都會依附係假陽具上，並且希望自己唔再身處係情趣用品店，不過凡事都唔係咁稱心如意。兩星期啦，仍然冇一位顧客肯買碌假陽具返去，究竟係咩野一回事？日復一日，奇蹟終於發生係我身上啦！


某一個夜晚，我再次依附係假陽具上，但我發現四周並唔係我所熟悉既情趣用品店。要我形容既話，四周都佈滿大玻璃，無論係邊一個方向，都可以反射出房中央既大水床，床上方既天花板則有一盞紫色水晶燈。




等等，我好似聽到兩把笑聲從房間既浴室傳出！嘩！唔洗問都知係咩既一回事啦！當佢地沖完涼之後就當然要進入戲肉！不過有一樣野我覺得好奇怪，點解間房只係得男人衫冇女人衫？唔通女人會拎哂所有衫入浴室？仲有就係點解好似一把女人聲我都聽唔到？不過唔理啦，等佢地沖完涼我就一清二楚。


「呀仔，你又伏係檯到訓會冷親架。」我從來都冇考慮過會被人打斷「靈魂依附」能力既時候...不過打斷我唔緊要，但係點解要係咁重要既時候先黎干擾我！娘親！


「娘親，我做緊一件好緊要既事情！可唔可以離開哩一間房呢？」我一邊伏係檯上一邊問娘親。


「訓教係咩重要事情呀？你望下你訓緊既樣。」娘親突然好尷尬咁擰轉身走出房間。


吓？發生咩事？我坐直個人，然後望向我擺放雙手既位置，不禁說出一句：「oh...shit...」




娘親佢誤會左啦！我以後仲點樣面對佢呀！究竟係唔係要我解釋清楚？但係我一解釋就會錯失體驗成人既感覺...我要點做？我再諗深一層，我解釋又可能愈描愈黑，所以我決定都係體驗成人既感覺先啦。


我輕聲咁講：「我是你。」然後又搭上旅途。不過係依附之前我好似隱約聽到係大廳既母親同老豆話：「呀仔大個仔啦，要買多幾盒紙巾先得。」


嘩？咁黑既？究竟我去左邊？我冇記錯假陽具剛才係房間既檯上架...


陌生男人：「爽唔爽？」


從陌生男人既「爽唔爽」既問題之中，我可以得知佢已經正在使用假陽具進行某種事情，所以都好合理地解釋到點解我身處咁黑既位置。但係我點都估唔到原來女人個Ｘ既質感係咁樣。奇怪，牆邊果一舊係唔係屎黎？究竟個男人將我塞左去女人既邊到？X係咩野？個男人設X為乜？不過照我既算式可以推理出我身處係邊。



冇錯，我相信我比人塞左入去屎眼，不過我估唔到香港有人鐘意咁玩，我仲以為淨係得某一班蘭桂芳既人先鐘意咁玩。


陌生男人：「爽！再大力少少就好近前列腺！」


點解個男人自問自答......陌生男人...兩個陌生男人！SHIT！大腸內隨即有一舊石屎脫落並且打中我身上。


我下意識之下大叫一聲：「救命！」


陌生男人（１）聽到我既說話之後，顯得更加興奮，佢話：「你盡情咁叫救命啦！冇人救到你架啦。」




陌生男人（０）回話：「我都冇叫救命。」


兩人大驚，並且立刻放低手頭上既工作，將我從屎眼拔出放回檯上，再以非比尋常既速度著返衫離開。佢地兩個並未意識到我就係果枝假陽具，同時我都因為失去意識而未解除能力。我都因為哩一次事件，令我開始反思要點運用哩一種能力。