未開始就完結: 二. 二人套餐
嘉怡: 阿謙!
（佢好肉緊咁細細聲叫我個名）
我: 咩事呀
測緊驗架 
有咩留翻同訓導講啦 （我好肉緊咁細細聲回應佢）
嘉怡: 屌篇文講咩架,1999嘅
（佢就係咁，有少少粗俗，間唔中會講句粗口）
我: 頂,篇野咁撚易都唔識?!講三隻小豬囉!
嘉怡喺英文科成績平平,而我就一向唔錯（只限英文）
嘉怡: 妖真係睇唔明呀,夠竟係隻豬吹散隻狼間屋定隻狼吹散隻豬間屋呀
我: 頂你唔洗睇篇文都識啦!
嘉怡: 喂呀幫下我啦
我果刻實在抵擋唔到嘉怡柔弱嘅聲線,
我望望個miss,
屌,佢用部電腦上緊Facebook…
之後我就靜靜雞比左我份卷佢睇,
點知條友成份卷照copy…
過左陣...
Miss: Alright! Time's up, pens down, pass the paper to the front.
我: 拿,你諗住點報答我先
嘉怡: 都唔知合唔合格,合格就請你食lunch啦
我: 咁你聽日準備定兩份錢啦!
到左第二日,
由於英文堂喺lunch之前一堂,
所以我有時間睇下份卷合唔合格
Miss一上堂就派卷,
我拎完之後一見,
屌100分得42分?!
（我平時至少拎70以上）
嘉怡拎住佢份卷話要同我一定睇,
我見我果份都炒,
佢果份應該都凶多吉少
當時我仲擔心緊問邊個借錢食lunch,
用24蚊去m記買三個雙牛芝堡加杯水
嘉怡就打開左份卷
嘉怡: 嘩!!!yeah
第一次測驗就pass
多謝你呀
係呢阿謙你幾分呀
頂嘉怡份卷有69分…
望落少少,
果條原來係隻豬吹散左隻狼間祖屋
當係比隻狼一個教訓
我果刻真係從心底講左聲屌
嘉怡: 睇你個款好似炒喎
幾多分呀 我野都未講佢就搶左我份卷睇。
嘉怡: emm...唔好唔開心啦
差少少姐,一係我請你食飯啦 (佢本身都要請架啦
)我苦笑: 好呀…既然係你請,咁你就諗食邊間啦
（斷估佢唔會咁狗請我食樓下小食部掛）
結果我地傾下傾下落堂鐘聲響起,
之後嘉怡就叫我跟住佢,
而我亦好乖咁做跟尾狗
果一刻嘅我撤底放棄左男人嘅尊嚴
因為這些機會可遇不可求
我跟到去門口先發覺原來我未同龍仔佢地講我唔同佢地食,
而佢地則企左喺走廊等緊我,
佢地見到我跟著嘉怡出果陣都好驚訝
果一刻嘅我接受唔到自己做跟尾狗
於是立即行翻去嘉怡側邊
我: 今日我唔同你地食喇,你地自己食啦!
嘉怡唔知點解借啲椅靠近左我: 阿謙我地行呢邊丫!
肥牛笑淫淫: 唉依家勁啦
同女食都唔同兄弟食 重色輕友 我見嘉怡比佢講到面紅紅就用一句收皮啦回敬翻佢
之後就同嘉怡走左 
其實龍仔同志傑知道我獲得呢個咁難能可貴嘅機會
都用一個祝福嘅眼光希望我首次同嘉怡共進午餐能夠成功渡過
出左學校之後,
嘉怡帶左我去附近一間食扒嘅餐廳食野。
由於我其實係一個同女仔一對一就變得弱小嘅男人…
所以一開波我打法好被動
嘉怡見我好淆底就採取積極進取嘅戰術
成功打開左我嘅心扉,我地開始越講越多野 可能因為嘉怡本身對我唔算反感,
所以傾樂意同我講一啲較深入嘅話題
如是這喺呢短短半個鐘入面我地上至天文,下至我地嘅姓氏都講齊。
「多謝你呢餐食呀,舊扒好正呀!
」「嗯
我多謝你就真,我好耐冇試過食飯食得咁開心喇,多謝你呀阿謙 」嘉怡由衷嘅一聲多謝，我不自覺面紅起來
嘉怡見到我怕怕羞羞嘅樣就問:
「阿謙你似好少同女仔相處喎，成日都咁怕羞點溝到女架
」「err…係呀
我今次係第一次同女仔單對單食飯咋 （仲要係同你）…唔係好知點做好… 」「有咩好驚姐，我又唔會食埋你嘅
」我地一邊傾一邊行翻學校,我地用盡曬lunch一個鐘嘅時間
翻到課室,幾乎全班都翻齊,我地兩個係眾目睽睽之下一齊行入課室
果一刻我同嘉怡好似成為左全班嘅話題
我行到返位後就向志傑同龍仔投以勝利手勢,表示一切順利
而肥牛又再次用佢對淫眼掃視我同嘉怡,以為自己好醒睇透左世事。
然後我地又繼續上堂。
之後呢堂係咩我已經唔記得,我只記得我隨後幾堂都諗住同嘉怡食飯嘅畫面
冇錯,我就係咁易滿足,能夠與女神食一餐飯,夫腹何求?
果日夜晚,我部手機喺書台面震左下,
起初以為係班friend想約我搵日踢波
所以選擇無視過左陣,我再睇翻個通知
原來係我果班入面其中一個八婆搵我,
我當時呆左半秒
「喂阿謙你係唔係同嘉怡一齊左」
頂佢洗唔洗慳到連標點同表情符咒都唔加呀!
不過呢條問題雖然貌似簡單,但其實好,
應該係話點答都死…
答係,我第二日就會比全級唱通街,
又會比嘉怡覺得我亂黎,可能會反感
答唔係,如果唔小心比嘉怡知道左就會覺得我對佢冇興趣,加上我唔想話唔係…
所以我決定左唔應佢機
大家可能會問,點解食餐飯都會比人傳?
其實以我呢種性格所有同學都覺得我只會有男性朋友,
依家我仲要同佢冇乜friend嘅女仔一齊食lunch,
自然成為話題。
其實一路以泥我同嘉怡都有用短訊交流,
加上依家坐咁近,我同佢之間嘅友誼逐漸建立起來
我地自從上次一齊食lunch之後,
就約定左逢星期三都一齊食飯,
一方面係滿足個人喜好,另一方面係想倍下佢
唔知大家仲記唔記得嘉怡升到中六後連唯一嘅知己都走埋,
所以佢喺班上一直都冇朋友,
站喺朋友嘅立場,我真係好想佢中學最後一年可以開開心心咁過,
所以決定每星期搵佢食一次飯
