未開始就完結

班主任: 同學你地好呀，咁耐冇見有冇掛住我呀。

開學第一日，只係處理班務等無謂野。

班上人少左，但仍然一如以往，
一樣嘈到走廊尾都聽到，
一樣係當班主任冇到。

呢個時候，
我當然把握時間同三個識左多年既死黨圍埋一齊吹水啦。

肥牛拎轉同我講:
屌收皮啦，
我先唔會掛住呢條痴漢呀on9。

龍仔都拎埋過嚟:
佢都on on地嘅，
成個暑假有9成時間用嚟補課，
同你班老師朝見口晚見面，
仲慘過平時翻學，

邊撚個會掛住你呀柒頭。

志傑坐我隔離:　咪就係，我前日先見到佢咋，乜撚野咁耐冇見呀。

志傑繼續話:　
係喎呀謙，最尾果次地理補課做咩唔翻呀，
冇左你全班冇人答miss問題啦，
搞到miss問問下問到燥底屌9我地…
你係咪去左溝女呀。

我:　哦…果日呀…err，我病左呀。

（其實係我訓過龍唔記得左翻…）

呢度要講下，
肥牛係我由中一加入足球校隊識嘅，
龍仔係我幼稚園同學，
中學相認翻，
而志傑就係我小學同學，
我同佢身型極度相似，
有時老師會以為我地係兩兄弟。
我地四個喺中四咁啱入左同一班，
每年大考都-6升到上去，
繼續一齊上堂。

喺我地傾緊個暑假過得有幾on9嘅同時，

有個熟悉嘅面孔入左課室，
眼尾見有人入，
正常人都會望一望。

佢係我由中三尾開始暗戀嘅女仔，

叫嘉怡

，係個外表cool cool地，
但識其實好鍾意講野同好好人嘅女仔，
不過因為外表太cool嘅關係，
班上面不論男女都好少同佢接觸，
令佢比人感覺更孤辟。
可能因為佢大我一年同外表冷漠，
我唔覺得佢係果啲又pure又true嘅女仔。
亦因為我同佢讀唔同科，
所以暑假補課冇見過佢，
應該係話成個暑假都冇見過佢。

今日嘅佢，
同平時翻學一樣，
平陰加馬尾，
皮膚冇見一排仍然好白，
右手拎住銀包，
左手拎住張遲到紙。
冇錯，佢又遲到，遲到係佢嘅作風。
其實佢骨子裏都係個普通女仔，
係個有少少怕羞嘅女仔，
佢一入到課室，
見到全班廿幾對眼望住佢，
佢即刻淆底頭dup dup行去教師桌度。

班主任:　嘉怡~又遲到喎。

佢接過遲到紙後就示意叫嘉怡求其搵個位坐。

肥牛:　嘩