未開始就完結: 三. 觀戰
話咁快就去到十月中,每日翻學都係咁上下
但對於足球隊而言,呢個時間先係一年入面最精彩
![](http://forum6.hkgolden.com/faces/agree.gif)
因為學界比賽就黎開始,
每個人都好期待
我、肥牛同龍仔都係球隊成員,
大家至少做左四年隊友,
我同肥牛更係由中一開始入足球隊,
我地每星期都把握練習機會,
盡快操翻起個態
雖然我地三個係球隊骨幹成員,
不過冇態一樣唔洗上場,
肥牛上年就係因為咁而比左個勤力屎波低form仔搶走左單箭頭嘅正選位置
![](http://forum6.hkgolden.com/faces/dead.gif)
我就比較好彩,我司職中堅,加上身材高大(其實係高但瘦
![](http://forum6.hkgolden.com/faces/sosad.gif)
所以今年如常出現喺正選名單基本上係一定嘅,
不過避免做輸波罪人
![](http://forum6.hkgolden.com/faces/banghead.gif)
比賽賽程出左,我地果組有五隊,
其中三隊包辦上年冠亞季,剩翻果隊好似年年包尾
小組賽以單循環計分制,
最後頭兩名先可以出線
我地負責嘅阿sir一如以往,
好啖定咁講句: 我地依然有機會
![](http://forum6.hkgolden.com/faces/ass.gif)
而我地果刻個心真係淡到喊出黎,
冇諗過最後一年學界都要出局收場
![](http://forum6.hkgolden.com/faces/sosad.gif)
果晚我翻到屋企後,沖完涼食埋飯,入左房汁翻啲波衫褲鞋襪出,
汁汁下諗起嘉怡
![](http://forum6.hkgolden.com/faces/angel.gif)
心諗: 雖然對手實力如此強大,但始終係最後一次代表學校比賽,點都想比嘉怡睇下我在球場上嘅英姿
![](http://forum6.hkgolden.com/faces/agree.gif)
(唔知大家知唔知,當比賽時有fans捧場果場你嘅威力會增加一倍,如果fans入面有埋女神坐陣,你果場就係無敵
![](http://forum6.hkgolden.com/faces/kill.gif)
![](http://forum6.hkgolden.com/faces/kill2.gif)
之後我狗衝去部電話度whatsapp嘉怡
![](http://forum6.hkgolden.com/faces/flowerface.gif)
「我17號有比賽呀,黎唔黎支持下呀
![](http://forum6.hkgolden.com/faces/bye.gif)
「好呀,反正果日得閒,去邊度比呀
![](http://forum6.hkgolden.com/faces/hoho.gif)
「係跑馬地6號場呀,場波下晝3點先開始
![](http://forum6.hkgolden.com/faces/smile.gif)
「好啦
![](http://forum6.hkgolden.com/faces/angel.gif)
![](http://forum6.hkgolden.com/faces/good.gif)
之後我同佢傾到11點幾就講早抖訓教
真係好開心,
幻想到當日比賽有女神在場邊默默為你打氣,諗起就爽
![](http://forum6.hkgolden.com/faces/tongue.gif)
第二日翻到去,隊長入左我課室同我三個講成組最廢果隊話棄權
![](http://forum6.hkgolden.com/faces/donno.gif)
我地三個第一時間一齊問候間學校老母,再話: 咁咪冇人塾我地底?!
![](http://forum6.hkgolden.com/faces/yipes.gif)
![](http://forum6.hkgolden.com/faces/yipes.gif)
到左比賽當日…
到左比賽當日,
教練: 喂快啲去熱身啦!一陣抽筋唔好賴我呀
![](http://forum6.hkgolden.com/faces/fuck.gif)
隊員們: 係…
![](http://forum6.hkgolden.com/faces/donno.gif)
我一邊熱身一邊周圍望,睇下嘉怡到未。
到就泥開波前十分鐘,教練同我地講陣容同戰術
(其實香港普通中學校隊有咩戰術可言?唔係442玩兩邊出波就係451玩穩守突擊,再唔係就一有波清上去比前鋒爆…)
所以我都費撚事聽個教練9up,
望望下發現場邊出現個女仔,
由於我有近視但未算深所以冇帶con,所以睇唔清楚,
但我見到佢向我地揮手,
![](http://forum6.hkgolden.com/faces/bye.gif)
之後肥牛係我身後講: 威啦謙哥,有fans啦!
![](http://forum6.hkgolden.com/faces/hehe.gif)
我果陣先知原來佢就係嘉怡
![](http://forum6.hkgolden.com/faces/angel.gif)
![](http://forum6.hkgolden.com/faces/angel.gif)
我個人忽然之間覺得好熱好有衝勁,
好似飲左廿罐redblue咁
![](http://forum6.hkgolden.com/faces/banghead.gif)
呢場係對上年亞軍,我地唔敢輕敵
個個都好集中,
不過我地始終被人禁住個半場泥猜,猜到中場休息,
呢個時候我地阿sir又話: 我地依然有機會
![](http://forum6.hkgolden.com/faces/clown.gif)
其實果時我地全場已經比人打到冇哂氣,
阿sir呢句嘅用意睇泥係想同我地講: 都係算啦…輸少當贏啦…
喺大家都垂頭喪氣嘅時候…「阿謙加油呀
![](http://forum6.hkgolden.com/faces/angel.gif)
![](http://forum6.hkgolden.com/faces/flowerface.gif)
嘉怡細細聲同我講,仲遞左支水比我
(對唔識運動嘅女仔黎講,一下簡單嘅頭槌,一下撻Q嘅大腳解圍,已經係不可能的任務)
不過聽到佢嘅讚賞,我果啲疲勞迅間冇曬,
我飲水時望一望嘉怡,先睇清楚佢今日嘅打扮,
一如以往紮馬尾,
一件白色tee,
一條牛仔熱褲,
加對普通Nike Air Force,
散發著一種陽光氣息
![](http://forum6.hkgolden.com/faces/flowerface.gif)
![](http://forum6.hkgolden.com/faces/flowerface.gif)
我向佢握緊拳頭,示意我會努力
之後轉身入場,
再大叫幾聲振奮士氣
![](http://forum6.hkgolden.com/faces/fire.gif)
下半場開始,我地繼續比人禁住呢打
![](http://forum6.hkgolden.com/faces/banghead.gif)
突然間,對手已經帶波突破,
去到我面前,同佢對待左兩秒比佢一推就過左
![](http://forum6.hkgolden.com/faces/clown.gif)
我已經係防線上最後一個,連我都比人過埋咪姐係人地1 on 1
![](http://forum6.hkgolden.com/faces/@.gif)
我即刻拔腿飛奔回防,
見到龍門出左去封位咁我就直接去護空門,點知個前鋒推順就拉弓直射,
由於龍門有封位嘅關係基本上射門路線已經細左好多,而我亦企岩位,
但係我就因為企得太正,加上球速頗快,
我不慎用左我條丁擋左個波出泥
![](http://forum6.hkgolden.com/faces/shocking.gif)
果下清脆而震撼嘅撞擊聲我依家仲記得好清楚,每次諗起下面都會隱隱作痛
![](http://forum6.hkgolden.com/faces/cry.gif)
我當時由於太痛既關係所以跌低左
但我諗起嘉怡喺場邊睇緊波,
我捉住地下汁草,
正所謂係邊度跌低,係邊度企翻起身
![](http://forum6.hkgolden.com/faces/fire.gif)
我忍住痛,同自己講唔可以咁輕易就被擊敗,
更何況喺自己深愛嘅女人面前呢
![](http://forum6.hkgolden.com/faces/fire.gif)
當我再次抬起頭時,
個波已經係禁區外無人地帶,
最on9嘅係我地竟然冇人去搶…
之後我就眼白白望住一個絕無僅有嘅反擊機會化為烏有。
![](http://forum6.hkgolden.com/faces/fuck.gif)
對手當然領情拎左個波,
最慘係拎波果個無論身型、外表同髮型都成個小志強咁
![](http://forum6.hkgolden.com/faces/kill.gif)
佢推向大位就準備施射,
我地都心知不妙,9條友直奔向自己龍,
希望以肉盾戰術泥化解呢次射門,
可怕嘅事就發生
![](http://forum6.hkgolden.com/faces/bouncer.gif)
![](http://forum6.hkgolden.com/faces/bouncer.gif)
對手見我地除感正鋒之外全隊翻曬入小禁區,就打蛇隨棍上,全隊壓曬上泥
![](http://forum6.hkgolden.com/faces/@.gif)
而小志強亦打算使出炮彈式射球衝擊我地嘅防線
![](http://forum6.hkgolden.com/faces/yipes.gif)
![](http://forum6.hkgolden.com/faces/shocking.gif)
點知…
我懷疑佢真係以為自己係小志強,
想試下射浪
而果下嘅炮彈式射球結果變成藍天射球,向住夕陽嘅方向劃破門眉,飛出底線
![](http://forum6.hkgolden.com/faces/oh.gif)
之後我地嘅後備球員快快手手汁翻個波比我地開,
我見人地半場得翻個肥仔中堅同肥牛,
就即刻叫龍門快快大腳。
如我所願
![](http://forum6.hkgolden.com/faces/agree.gif)
而肥牛又控到個波,
佢用左兩三步就爆過左個肥仔中堅,
同龍門one on one,
對面個龍可能吹左大半個鐘西北風,
Warm up完個人凍翻曬,動作有點生硬,
肥牛係咁二扮下射波個龍就飛撲
(都唔知佢撲乜9
![](http://forum6.hkgolden.com/faces/clown.gif)
肥牛面對空門嘅情況亦冇鬆懈,穩穩陣陣將個波送入龍門
![](http://forum6.hkgolden.com/faces/agree.gif)
之後剩下嘅時間我地仍然被狂攻,我地就死守至完場,最終保持住一比零嘅戰果完場。
呢場波,完全同歐聯決賽車對巴一樣,
用901戰術爆冷贏波
![](http://forum6.hkgolden.com/faces/agree.gif)
原來,有女神嘅眷顧真係真變無敵
![](http://forum6.hkgolden.com/faces/agree.gif)
之後聽完個教訓話呢次贏波係靠佢出色嘅指揮
![](http://forum6.hkgolden.com/faces/clown.gif)
我地各自入更衣室換衫,
我行到嘉怡身邊
「我地去換衫呀
![](http://forum6.hkgolden.com/faces/smile.gif)
![](http://forum6.hkgolden.com/faces/wink.gif)
「好丫,快啲換完去食下午茶囉!
![](http://forum6.hkgolden.com/faces/flowerface.gif)
我十五分鐘後出泥,搵翻嘉怡,
「換咁耐架,快啲行啦,肚餓啦!
![](http://forum6.hkgolden.com/faces/flowerface.gif)
「下?!唔洗等埋佢地咩?
![](http://forum6.hkgolden.com/faces/oh.gif)
「等咩丫,一陣去到一齊食實比佢地講…加上我又同佢地唔熟…
![](http://forum6.hkgolden.com/faces/frown.gif)
「咁好啦,咁不如出翻去搵間茶餐廳食
![](http://forum6.hkgolden.com/faces/good.gif)
「仲講,行啦
![](http://forum6.hkgolden.com/faces/angel.gif)
之後嘉怡就拉住我件衫轉身就行
呢一個嘉怡
![](http://forum6.hkgolden.com/faces/angel.gif)
其實先係真正嘅佢
![](http://forum6.hkgolden.com/faces/angel.gif)
只有我先知道
![](http://forum6.hkgolden.com/faces/angel.gif)
我發現,
原來喺呢個半月入面
嘉怡已經漸漸將我視為學校入面唯一既知心好友
![](http://forum6.hkgolden.com/faces/agree.gif)
所以佢先會肯喺我面前展露佢最真實嘅一面
「係呢,你…下面仲痛唔痛
![](http://forum6.hkgolden.com/faces/smile.gif)
當時其實我條撚係完完全全、徹徹底底比個波射到應一應,
![](http://forum6.hkgolden.com/faces/shocking.gif)
到依家仲有少少痛
不過如果我話仲痛咪豈不是在女神面顯露我軟弱嘅一面?霸氣盡失?
![](http://forum6.hkgolden.com/faces/banghead.gif)
「err…緊…緊係唔痛啦,果下濕濕碎啦…
![](http://forum6.hkgolden.com/faces/bomb.gif)
「真係?
![](http://forum6.hkgolden.com/faces/369.gif)
佢隨手拿起個銀包,一野車左落我條撚度。
我痛到極致
![](http://forum6.hkgolden.com/faces/fuck.gif)
![](http://forum6.hkgolden.com/faces/shocking.gif)
「仲扮咩丫,你幾時講真話幾時講假話我會唔知
![](http://forum6.hkgolden.com/faces/369.gif)
「不過…你今日又真係幾勁嘅…好型…同平時嘅你相比完全係另一個人…
![](http://forum6.hkgolden.com/faces/flowerface.gif)
嘉怡講完之後面紅紅,我其係第一次咁近望住嘉怡面紅,呢一刻佢同果啲好pure好true嘅女仔冇分別。
「嘉怡
![](http://forum6.hkgolden.com/faces/biggrin.gif)
![](http://forum6.hkgolden.com/faces/flowerface.gif)
「你平時冇人黎睇架咩?」
嘉怡塊面仲紅緊
「緊係冇啦…
![](http://forum6.hkgolden.com/faces/frown.gif)
![](http://forum6.hkgolden.com/faces/frown.gif)
「其實咩呀?
![](http://forum6.hkgolden.com/faces/oh.gif)
「其實果日我打比你問你睇唔睇我都諗住你唔會應承…」
「點會呀,你係我朋友之嘛,當然要到場支持啦,更何況我又未見過你踢波,所以咪黎囉!」
「嘩咁真係多謝曬喎,你睇到我有幾勁啦。」
「我淨係睇到你比人爆蛋姐」
「頂!算數!嘉怡呀,你係我第一個fan呀」
「fan你個頭呀,都冇話泥支持你!食啦,啲野到齊啦!」
真係唔明啲女仔個腦諗咩…
呢頭先話完泥支持我
轉個頭又話唔係泥睇我
因為我同佢住得幾近,
我地食完野之後就搭巴士走,
成程車我地有講有笑
不知不覺嘉怡就站了
佢走左後,
我聽住歌,望住窗外風景
諗翻起嘉怡果句
「點會呀,你係我朋友之嘛」
唔通…
我地只可以做朋友?
自果日之後,
我同嘉怡依舊每星期一齊食飯,
翻學繼續吹水
![](http://forum6.hkgolden.com/faces/hoho.gif)
放學繼續whatsapp傾
![](http://forum6.hkgolden.com/faces/agree.gif)
而剩低果兩場比賽我地都輸曬
![](http://forum6.hkgolden.com/faces/cry.gif)
無緣進級,中學生涯最後一次學界就咁完結
![](http://forum6.hkgolden.com/faces/sosad.gif)
唯一慶幸嘅係果兩場因為嘉怡唔得閒所以冇黎到
![](http://forum6.hkgolden.com/faces/ass.gif)