未開始就完結: 三. 觀戰

話咁快就去到十月中,每日翻學都係咁上下
但對於足球隊而言,呢個時間先係一年入面最精彩 
因為學界比賽就黎開始,
每個人都好期待

我、肥牛同龍仔都係球隊成員,
大家至少做左四年隊友,
我同肥牛更係由中一開始入足球隊,
我地每星期都把握練習機會,
盡快操翻起個態





雖然我地三個係球隊骨幹成員,
不過冇態一樣唔洗上場,
肥牛上年就係因為咁而比左個勤力屎波低form仔搶走左單箭頭嘅正選位置 
我就比較好彩,我司職中堅,加上身材高大（其實係高但瘦 ）而隊中只有兩名中堅,
所以今年如常出現喺正選名單基本上係一定嘅,
不過避免做輸波罪人 我都想操翻fit啲


比賽賽程出左，我地果組有五隊，




其中三隊包辦上年冠亞季，剩翻果隊好似年年包尾

小組賽以單循環計分制，
最後頭兩名先可以出線

我地負責嘅阿sir一如以往，

好啖定咁講句: 我地依然有機會 

而我地果刻個心真係淡到喊出黎，




冇諗過最後一年學界都要出局收場 

果晚我翻到屋企後，沖完涼食埋飯，入左房汁翻啲波衫褲鞋襪出，
汁汁下諗起嘉怡 

心諗:　雖然對手實力如此強大，但始終係最後一次代表學校比賽，點都想比嘉怡睇下我在球場上嘅英姿 

（唔知大家知唔知，當比賽時有fans捧場果場你嘅威力會增加一倍，如果fans入面有埋女神坐陣，你果場就係無敵  ）

之後我狗衝去部電話度whatsapp嘉怡 

「我17號有比賽呀，黎唔黎支持下呀 」[21:43]

「好呀，反正果日得閒，去邊度比呀 」[21:45]





「係跑馬地6號場呀，場波下晝3點先開始 」[21:46]

「好啦 我果日會準時幫你地打氣架 」[21:47]

之後我同佢傾到11點幾就講早抖訓教
真係好開心，
幻想到當日比賽有女神在場邊默默為你打氣，諗起就爽 

第二日翻到去，隊長入左我課室同我三個講成組最廢果隊話棄權 
我地三個第一時間一齊問候間學校老母，再話:　咁咪冇人塾我地底？！  


到左比賽當日…

到左比賽當日，
教練:　喂快啲去熱身啦！一陣抽筋唔好賴我呀 

隊員們:　係… 

我一邊熱身一邊周圍望，睇下嘉怡到未。
到就泥開波前十分鐘，教練同我地講陣容同戰術
（其實香港普通中學校隊有咩戰術可言？唔係442玩兩邊出波就係451玩穩守突擊，再唔係就一有波清上去比前鋒爆…）





所以我都費撚事聽個教練9up，
望望下發現場邊出現個女仔，
由於我有近視但未算深所以冇帶con，所以睇唔清楚，
但我見到佢向我地揮手， 
之後肥牛係我身後講:　威啦謙哥，有fans啦！ 
我果陣先知原來佢就係嘉怡  
我個人忽然之間覺得好熱好有衝勁，
好似飲左廿罐redblue咁 

呢場係對上年亞軍，我地唔敢輕敵
個個都好集中，
不過我地始終被人禁住個半場泥猜，猜到中場休息，

呢個時候我地阿sir又話:　我地依然有機會 





其實果時我地全場已經比人打到冇哂氣，
阿sir呢句嘅用意睇泥係想同我地講:　都係算啦…輸少當贏啦…

喺大家都垂頭喪氣嘅時候…「阿謙加油呀 你好勁呀 」
嘉怡細細聲同我講，仲遞左支水比我
（對唔識運動嘅女仔黎講，一下簡單嘅頭槌，一下撻Q嘅大腳解圍，已經係不可能的任務）

不過聽到佢嘅讚賞，我果啲疲勞迅間冇曬，
我飲水時望一望嘉怡，先睇清楚佢今日嘅打扮，
一如以往紮馬尾，
一件白色tee，
一條牛仔熱褲，
加對普通Nike Air Force，
散發著一種陽光氣息  
我向佢握緊拳頭，示意我會努力
之後轉身入場，
再大叫幾聲振奮士氣 

下半場開始，我地繼續比人禁住呢打 我地全隊龜縮，連唯一嘅前鋒都翻到中圈位置。

突然間，對手已經帶波突破，
去到我面前，同佢對待左兩秒比佢一推就過左 
我已經係防線上最後一個，連我都比人過埋咪姐係人地1 on 1 

我即刻拔腿飛奔回防，
見到龍門出左去封位咁我就直接去護空門，點知個前鋒推順就拉弓直射，
由於龍門有封位嘅關係基本上射門路線已經細左好多，而我亦企岩位，
但係我就因為企得太正，加上球速頗快，

我不慎用左我條丁擋左個波出泥 
果下清脆而震撼嘅撞擊聲我依家仲記得好清楚，每次諗起下面都會隱隱作痛 
我當時由於太痛既關係所以跌低左

但我諗起嘉怡喺場邊睇緊波，
我捉住地下汁草，
正所謂係邊度跌低，係邊度企翻起身 
我忍住痛，同自己講唔可以咁輕易就被擊敗，
更何況喺自己深愛嘅女人面前呢 

當我再次抬起頭時，
個波已經係禁區外無人地帶，
最on9嘅係我地竟然冇人去搶…
之後我就眼白白望住一個絕無僅有嘅反擊機會化為烏有。 

對手當然領情拎左個波，
最慘係拎波果個無論身型、外表同髮型都成個小志強咁 

佢推向大位就準備施射，
我地都心知不妙，9條友直奔向自己龍，
希望以肉盾戰術泥化解呢次射門，
可怕嘅事就發生  


對手見我地除感正鋒之外全隊翻曬入小禁區，就打蛇隨棍上，全隊壓曬上泥 
而小志強亦打算使出炮彈式射球衝擊我地嘅防線  

點知…
我懷疑佢真係以為自己係小志強，
想試下射浪

而果下嘅炮彈式射球結果變成藍天射球，向住夕陽嘅方向劃破門眉，飛出底線 

之後我地嘅後備球員快快手手汁翻個波比我地開，
我見人地半場得翻個肥仔中堅同肥牛，
就即刻叫龍門快快大腳。

如我所願 個波直接穿越半個球場，
而肥牛又控到個波，
佢用左兩三步就爆過左個肥仔中堅，
同龍門one on one，
對面個龍可能吹左大半個鐘西北風，
Warm up完個人凍翻曬，動作有點生硬，
肥牛係咁二扮下射波個龍就飛撲
（都唔知佢撲乜9 ）

肥牛面對空門嘅情況亦冇鬆懈，穩穩陣陣將個波送入龍門 



之後剩下嘅時間我地仍然被狂攻，我地就死守至完場，最終保持住一比零嘅戰果完場。

呢場波，完全同歐聯決賽車對巴一樣，
用901戰術爆冷贏波 
原來，有女神嘅眷顧真係真變無敵 

之後聽完個教訓話呢次贏波係靠佢出色嘅指揮 阿sir又話我地今次有機會之後，
我地各自入更衣室換衫，

我行到嘉怡身邊
「我地去換衫呀 你坐喺度等等啦，好快出黎 」

「好丫，快啲換完去食下午茶囉! 」

我十五分鐘後出泥，搵翻嘉怡，

「換咁耐架，快啲行啦，肚餓啦! 」

「下?!唔洗等埋佢地咩? 」

「等咩丫，一陣去到一齊食實比佢地講…加上我又同佢地唔熟… 」

「咁好啦，咁不如出翻去搵間茶餐廳食 」

「仲講，行啦 」

之後嘉怡就拉住我件衫轉身就行

呢一個嘉怡 
其實先係真正嘅佢 
只有我先知道 

我發現，
原來喺呢個半月入面
嘉怡已經漸漸將我視為學校入面唯一既知心好友 

所以佢先會肯喺我面前展露佢最真實嘅一面

「係呢，你…下面仲痛唔痛 」嘉怡笑住問

當時其實我條撚係完完全全、徹徹底底比個波射到應一應， 
到依家仲有少少痛

不過如果我話仲痛咪豈不是在女神面顯露我軟弱嘅一面?霸氣盡失? 

「err…緊…緊係唔痛啦，果下濕濕碎啦… 」

「真係? 」

佢隨手拿起個銀包，一野車左落我條撚度。
我痛到極致 仲慘叫左聲 

「仲扮咩丫，你幾時講真話幾時講假話我會唔知 」嘉怡竟然仲笑笑口

「不過…你今日又真係幾勁嘅…好型…同平時嘅你相比完全係另一個人… 」

嘉怡講完之後面紅紅，我其係第一次咁近望住嘉怡面紅，呢一刻佢同果啲好pure好true嘅女仔冇分別。

「嘉怡 其實…我好多謝你今日到場支持我，有你係度，我唔知點解鬥心增強左好多，我打得好都係因為你咋 」

「你平時冇人黎睇架咩？」
嘉怡塊面仲紅緊

「緊係冇啦… 我地又唔係啲強隊…加上身邊又冇乜人鍾意睇波… 其實……」

「其實咩呀？ 」

「其實果日我打比你問你睇唔睇我都諗住你唔會應承…」

「點會呀，你係我朋友之嘛，當然要到場支持啦，更何況我又未見過你踢波，所以咪黎囉！」

「嘩咁真係多謝曬喎，你睇到我有幾勁啦。」

「我淨係睇到你比人爆蛋姐」

「頂！算數！嘉怡呀，你係我第一個fan呀」

「fan你個頭呀，都冇話泥支持你！食啦，啲野到齊啦！」

真係唔明啲女仔個腦諗咩…
呢頭先話完泥支持我
轉個頭又話唔係泥睇我


因為我同佢住得幾近，
我地食完野之後就搭巴士走，
成程車我地有講有笑
不知不覺嘉怡就站了
佢走左後，
我聽住歌，望住窗外風景
諗翻起嘉怡果句
「點會呀，你係我朋友之嘛」
唔通…
我地只可以做朋友？
自果日之後，
我同嘉怡依舊每星期一齊食飯，
翻學繼續吹水 
放學繼續whatsapp傾 


而剩低果兩場比賽我地都輸曬 
無緣進級，中學生涯最後一次學界就咁完結 
唯一慶幸嘅係果兩場因為嘉怡唔得閒所以冇黎到