男友出軌，我決定送26頂綠帽比佢: 半糖情人節 （終）

沙沙既流水聲，滿室彌漫既蒸氣，香噴噴既泡泡，彷如仙境一樣。

丁家岐上身著住背心，下身只穿四角內褲，肌肉既線條出哂黎。

「想同我一齊沖涼呀？」佢牽起嘴角，捧住我塊面，錫咗一啖。

「係...唔係...我去廁所咋。」我望住地板，支支吾吾咁話。

一諗到兩個人要除衫，一絲不掛咁面對面，我就好怕羞。



萬一佢嫌棄我個胸細，萬一佢見到我背脊既印，萬一我脫毛脫得唔乾淨，萬一我身上有死皮......

「無架，你入得黎，就無得走。」丁家岐禁住門，不懷好意地望住我。

「你衰人黎架。」

「就衰俾你睇。」丁家岐扯開我外套既蝴蝶結，放係架上，再擰轉我個身，將我背後既拉鏈拉低，輕輕一推，條連身裙就跌咗落地，我全身上下只淨番個bra同底褲。

「濕哂啦。」見丁家岐掛住望，我踢咗佢一腳。



地下有灘水。

你問我點解有灘水？呢度浴室黎架嘛。

丁家岐即刻幫我執番起條裙。

「到我幫你啦。」我話。

丁家岐遞高隻手，好似投降咁，我幫佢除咗件底衫出黎。



接下黎，我深吸一口氣，拉低佢條底褲。

第一次親眼見男仔既生殖器官，好震撼，原來傳說中既小雞雞係咁既樣。

「到我啦！」丁家岐既手指係我背脊游移，摸黎摸去都搵唔到個扣。我定定望住佢，將佢隻手帶到我胸前：「個扣係前面。」

佢伸隻中指入去，上下一挑，啪一聲，我上半身既束縛徹底解開了。

佢隻手向下移。我退後。

「底褲都係我自己除啦，你唔準偷睇。」

「好。」

「得啦。」



佢望住我個胸，我又望住佢下面。

真正的玉帛相見。

「快啲入去，啲水好快凍。」

個浴缸幾細下，要擘開M字腳先坐得落兩個人。

個水位一下子升高咗。

我好興奮咁撈起啲泡泡，潑去佢身上，佢又潑番我轉頭。

佢突然吱我大脾，搞到我好似俾蟻咬咁，又酥又癢。



「呀，唔好。」我用腳夾實佢條腰，等佢郁唔到。

「你睇下你做咗咩。」丁家岐捉住我隻手，摸向佢既小弟弟。

佢下面扯行哂，仲硬過石頭。

我正想回答：突然打了個哈啾。

「唔玩啦，等陣凍親。」丁家岐馬上拎條大毛巾包住我。

走出浴室時，我既頭髮仲滴緊水，赤住腳冇著拖鞋。

丁家岐拎住個風筒，插上電線：「過黎啊。」

我乖乖地坐過去牀邊。



佢逐撮逐撮頭髮拎起黎吹，吹得好用心，不時幫我解開打結既頭髮，掃下又撥下。

我頭髮都幾長，吹咗十幾分鐘先乾哂。

「呢件事我想做好耐。」佢話。

我地對望，好自然又開始錫，錫錫下佢推我落牀，繼續打茄輪到忘我既境界。

「我去拎啲野。」佢突然停低。

原來係去拉窗簾同熄燈。

房間一片黑暗，伸手不見五指。



我跳到我砰砰既心跳聲，佢急促既呼吸聲，仲有佢拆包裝既聲音，嘶拉一聲──應該係避孕套。

唔通佢早有預謀，約我去酒店請我食大餐，就係為咗同我扑野？

我捉住張被，將自己冚到密密實實。

我唔肯定自己係咪想同佢做。

「鬆手先，我入唔到黎。」佢拍拍我隻手。

「唔鬆。」

「係咪凍呀？」佢問。

「我地係咪可以瞓係張牀，咩都唔做？」我既語氣帶住哀求。

「好啊，我淨係攬住你瞓覺。」丁家岐擺開個套，捐入被竇，好似攬公仔咁，抱到我實一實。

「你仲係好凍呀。」

佢伸隻手入黎，摸黎摸去，掌心既溫度，逐漸傳遍我全身。

又真係暖咗好多。

不知不覺間，我條毛巾已經散開。

「你唔係話瞓教架咩？」我問。

丁家岐：「係囉⋯唔知點解，攬住你我瞓唔著。」

跟住我哋都笑咗，氣氛一下子無咁緊張。

「俾我磨下，我唔會入去。」

「你話架。」

「我應承你。」

溫熱的硬硬的棒。

蹭磨間，一股黏黏既液體湧出，整到成張牀單都濕哂。唔知係佢下面流出，定係我下面流出。

丁家岐開始想要更多，佢想塞入黎。

「唔得。」我堅決地說。

有人講過，如果做一件事前有猶疑，咁就唔好做。因為潛意識提醒緊你，有野唔對路，做咗會後悔。

係因為頭先鐘幸兒既訊息嗎？

佢又試咗幾次，我都係擰頭。

「你唔想就由佢啦，唔緊要。」

丁家岐好似無哂癮，放棄攻陷我，攤係牀上，一動不動。

個套仲係原封不動。

一分鐘、五分鐘、十分鐘......

男仔沉默起黎真係好得人驚。

平時丁家岐咁照顧我，為我做咁多野，我居然拒絕佢唯一既要求。我係咪唔應該呢？

我好似隻貓仔咁，主動趴係佢胸膛上：「
你唔講野既？」

「玩咗成日，攰啦。」

我心諗：咁你頭先又咁性致勃勃，想同我做牀上運動？

「我唔俾你入，你會唔會唔中意我架？」

丁家岐頓咗一頓：「我無插入去，你又會唔會因為咁而唔中意我？」

我搖搖頭。

「話咗中意你既人，唔係中意你既身體。」丁家岐再三同我保證。

佢輕輕咁摸我面頰。

身體接觸可以係男仔鹹濕既表現，亦可以係佢地表達感情既一種方式。

呢一刻，我因為佢既觸摸而覺得好安心。

「咪亂諗野，瞓啦。」

「嗯。」