男友出軌，我決定送26頂綠帽比佢: 半糖情人節 （中）

情人節正日。

丁家岐著住西裝，gel咗頭，一手揸住紮熊啤啤形狀既玫瑰花，一手插住褲袋，係地鐵站等緊我。

我撲向我既白馬王子，佢單手抱起我，轉咗個圈，隔住口罩，同我錫咗一下。

某程度上，香港其實係好保守既地方。

見到情侶係公眾場合攬攪錫錫，男既隻手係個女仔背脊係咁游移，女既一臉陶醉，當其他人無到，完全沉浸係自己既世界，大家就會好反感，覺得佢地影響市容。



不過，凡事總有例外。我同丁家岐，男既靚仔女既靚女，好似拍緊愛情片，畫面不知幾好睇，應該無人會介意既。

「中唔中意呀？」

個熊啤啤大大隻，都幾重手，唔使數都知有520朵，捧係手上仲高過我果頭。

「做咩嘥錢呀。」

「你把口咁講，其實你個心暗爽緊。」丁家岐抱住我。



「你又知？」

「唔知架，一陣進入你個身體，問下你個心點諗先。」

「又講呢啲野。」

「想睇你怕醜臉紅。」

我地黎到酒店check-in。



有幾個職員望住我地。哎呀，好怕羞，唔知佢地係咪諗緊，我地人仔細細，就學人開房做愛做的事呢？

「呢位先生同小姐，有咩可以幫到你地？」

仲係唔習慣俾人叫小姐。

平時俾人叫開阿妹或者阿囡，宜家身份改變咗，一下子變咗做大人，好有新鮮感。

「book咗房。」

「請問先生你貴姓？」

「我姓丁。」

「麻煩出示身份證。」正常黎講，酒店唔會俾未成年人登記入住，好彩丁家岐12月出世，啱啱好夠18歲，所以無問題。



「你地既房間係19樓，左手直行第三間房，可以係呢邊上。」職員交咗鎖匙同門卡俾丁家岐。

入到房砰埋門，得番我地兩個，氣氛突然變得十分曖昧。

我同丁家岐係鏡中兩兩相望。

丁家岐帶點粗魯地捉實我隻手，嘴唇從後貼落黎，氣息噴落我條頸：「想唔想要？」

我感覺到佢下面扯緊，越黎越硬，頂住我條裙，隔住兩層布上下摩挲。

呢一刻，佢已經化身為獵人，眼神被慾望佔據，著咗火，赤裸而激烈，好似想食人咁。而我就係佢既掌中之物，隨時會無命。

從來未見過佢咁既樣。



我有啲驚，唔知俾咩反應佢。

丁家岐輕輕啃咬我條頸。

我情不自禁地呻吟出聲。不過咁樣做，好似仲危險。

佢捉實我，唔俾我郁，伸埋條脷出黎舔。

再發展落去，丁家岐應該會抱起我，掟我落牀，好似拆禮物咁幫我除衫。

如果我想停，我宜家就應該出聲。

但我無阻止到佢。

丁家岐係我男朋友，就算同佢做，都無咩蝕底。應該發生既，遲早會發生。



「你唔好咁大力呀，我怕痛。」我用手撐住梳妝枱，緊緊合上眼。

丁家岐突然停落黎，無咗動靜。

我碌大隻眼望住佢，發現佢一路偷笑，一路拎手機錄緊片。

屌，我頭先個樣同語氣一定勁淫。

「喂呀。」我扁住嘴，想搶走佢部手機，刪走條片。

不過佢快手過我，兩三下跳上牀，仲錄緊影：「係2022年2月14日兩點唔知幾多分，我同胡凱婷係XX酒店，佢宜家好鬼嬲，要過黎打鳩我......」

「我唔理你啦，你自己錄飽佢。」



我坐係牀邊，整理手袋。

「真係嬲呀？」丁家岐坐過黎。

「你唔刪走條片，唔準掂我。」

「傻妹，我都無錄到，玩你咋。」丁家岐俾部手機我檢查。

我睇哂成個影片庫，碌埋「最近刪除的項目」，摷埋「雲端備份」，又真係搵唔到。

「哼，算你啦。」

「你做咩無啦啦停低啊？」頭先有一刻我真係好想要。

丁家岐係我額頭錫咗一啖：「有啲野唔使即刻做哂，我地今晚仲有大把時間。」

「咁宜家做咩先啊？」

「 去醫肚先。」

「食到你破產呀！」我嬲爆爆咁話。

......

餐廳播放著柔和既音樂，燈光暗淡，蠟燭搖晃，情調十足。

「想食咩呀？」

「有無米線呀？」我特登玩野。

「你真係好可愛，邊有人黎酒店食米線架。」丁家岐沒我咁好氣。

「咁你話事。」見個餐牌有一大堆密密麻麻既英文，唔係好想用腦。

丁家岐同侍應交代咗幾句。

「紅肉要配紅酒，白肉要配白酒，仲有牛排只得三成、五成、七成熟。」佢好似教細路咁，教我基本既西餐知識。

我哦咗一聲，拎起個餐包，用力咬落去，咬到牙都就黎崩。呢啲應該就係傳說中既法國麵包，硬到可以用黎打架。

唔知丁家岐下面硬啲，定法國麵包硬啲呢？啊，打住，我係度亂諗乜野。

首先擺上黎既係生蠔，每一隻都非常肥美豐腴。用冰盤裝住，中間放咗不知名既醬汁，仲有半塊檸檬。

我望咗一陣，完全無從入手：「就咁食啊？」啲生蠔仲郁緊。

「我喂你啦。」

丁家岐拎起檸檬，將啲汁擠落生蠔，用叉挑開佢：「記得飲埋啲水呀，啲水先係精華所在。」

我擘大口，含住啖生蠔，成個嘴都係金屬味，又腥又滑，好似仲蠕動緊。

「一啖吞落肚就得架啦。」

我強忍住反胃既衝動，昂高頭呈四十五度角，借用地心吸力，生蠔溜溜地滑落我喉嚨。

「好唔好食呀？」

「唔。」個口感...實在係此生難忘。