男友出軌，我決定送26頂綠帽比佢: 冬季陸運會 （中）

「喂，就到我地比賽啦，詩韻去咗邊呀？」阿瑩一邊做熱身一邊問。

話說我地學校運動衫既質料真係好鬼差，越洗越縮水不特止，仲要越黎越薄，連著咩色既bra，都睇到通通透透。

阿瑩著黑色bra，魚蛋著白色bra，兩個都好大波。唔知詩韻今日著咩色bra呢？

「我打咗電話俾佢，但係冇人接。」魚蛋做生意做到冇停手，賺咗半日錢，終於心滿意足，將啲煲啊調味料啊收好。

「喂，留番啲俾余Sir啦，佢等陣會黎睇我地比賽呀。」阿瑩話。





「你地整住先，我去搵下詩韻。」我估佢應該換緊衫或者化緊妝。

風紀係更衣室門口擋住我：

「同學，要填登記表先可以入去。」

為咗令同學投入呢項校際活動，今年老師奇招怪招一大堆，咩都唔俾做，唔俾拎部手機（但係相機又得）出黎自拍，攝個耳筒入冷衫聽歌又唔俾，連合埋眼扮投入都唔俾。

捉犯規學生，就變咗風紀今日最大既樂趣。





入個更衣室都咁鬼麻煩，我有心要玩下野：「咁有無得掃QR code呀？」

「要手寫啊同學。」

表上果然有符詩韻個名。

佢平時手字好靚架，做咩今日寫到鬼畫符咁，好趕時間咩。

入到去，有水聲，有風筒聲，有人沖緊涼，有人吹緊頭。我細細聲叫佢個名。





無人應。

行行行，行到最後果格，拉咗簾，裡面有啲窸窸窣窣、 拆包裝袋既聲音。

「送俾你啦！」簾後突然傳黎一把男聲。

咦咦咦，呢度女生更衣室黎架喎，點解有把男聲，仲要把聲飢渴得要命，一聽就知係註定一世睇住av打飛機既毒撚。

「呢個限量版手袋，我搵咗好耐都搵唔到。你真係好勁呀！」係詩韻把聲。

佢同男仔講野既時候，把聲會唔同咗，比平時高音，但又唔會過份造作。

「都唔係好勁啫。」毒撚羞澀一笑。我發誓我聽到佢內心既ost ： 其實我真係幾勁下。一萬蚊手袋，換黎同女神獨處一室既機會，幾多人恨都恨唔黎，得我先有呢個privilege，證明我係女神心目中係特別既。

「多謝你呀。你對我咁好，以後我用呢個手袋，就會諗起你。」





「詩詩，你唔係話，今日會幫我打氣架咩？」毒撚鼓起勇氣咁問。

「打氣字條收埋係我身上，你自己搵啦。」

撞正女神派糧？

呢個場景，淨係聽聲已覺香艷，惹人無限幻想。

我係條罅望入去，嗱我唔係偷望架，係佢地既簾拉得唔埋咋。

「真係可以？」毒撚好緊張咁吞一吞口水。

雖然我懷疑佢早已用目光扒光詩韻既衣服，但面對平時只可遠觀既女神，始終唔敢胡亂褻玩。





有色心冇色膽既青頭仔。

「你唔搵我就走架啦。」詩韻翹埋雙手。

「唔好呀唔好呀。」毒撚心急起黎，本色盡現，扯落詩韻頭髮上既橡筋圈。

一頭黑髮傾瀉而下，散落係詩韻既鎖骨上。

見詩韻長髮披肩，一副任佢擺佈既樣子，毒撚更加興奮。

佢起初只係敢膽摸下詩韻隻手仔，仲裝模作樣咁，正反都望下。好快佢就變得不安份，見詩韻冇叫停，慢慢向上遊移，扮唔小心掃過詩韻既bra。

毒撚直勾勾既眼神，令我諗起《香水：一個殺人者的故事》呢套電影。故事裡面既男主角，為咗調製出夢寐以求既香水，不惜殺害13個少女，再利用佢地既體香煉製成香水。

為免詩韻第二朝俾人發現棄屍更衣室，落得相同下場，我好有必要睇埋落去。





毒撚另一隻手，慢慢咁撩起詩韻既短裙，想伸入詩韻雙腿之間。

詩韻輕輕拍咗佢個頭一下，半嬌嗔半動真格：「呢度係你應該摸既地方咩？」

毒撚唔止成塊臉漲紅，連佢下面都漲埋：「你可唔可以擰轉頭。」

詩韻似笑非笑望住佢，終於嗯咗一聲。

兩人既影子，投射係牆上，近乎交疊。

毒撚企係詩韻身後，目光停留係佢後頸。舉到半空既手，微微顫抖，猶疑再三，最終只係借著影子摸咗一下。

「我搵唔到。」毒撚宣告失敗，跪低，正式成為詩韻既裙下之臣，又名觀音兵。





詩韻欣賞佢明明慾罷不能、但又極力想隱藏既樣子。

「咁我揭曉啦。」詩韻拉低上衣，伸手入乳溝，拎出一張摺成信封既粉色小字條。

哦，原來詩韻今日著紫色bra。

毒撚等唔切，即刻想打開，詩韻阻止佢：「我會怕羞架。不如你等我走咗先睇？」

「好既。」

「咁你乖乖地留係度啦，等冇人再行出去，個風紀係我朋友，無問題架。」