《😭你無法知道大數據年代擦不上榜努力寫作的作家在哭😢》完☑️☑️☑️: 😥😥😥😥😥😢😢😥

無錯，因為政治問題，社會問題，商業問題，法律問題，有好多嘢Google係會視之為眼中釘而唔派錢畀佢哋，當你一但賴咗嘢，就好似變咗一塊砵蘭街一樓一下面嘅巴士站廣告牌咁，永遠唔會有人喺度登廣告，就算登咗你都唔會有錢收。

所以，呢排某小說網打甜文係雷厲風行，佢嘅做法就係將涉甜文章歸類為甜故，等佢哋唔會出現喺排行榜，估計呢個做法係已經同Google Adsense謦掂數，當你咁樣做就唔會將個網列入不良網站嘅實體清單入面，從而可繼續利用AdSense呢個平台嚟賣廣告。而我相信，被歸類為甜故嘅文章人氣同點擊數都唔會count入AdSense平台嘅廣告收益分帳，可惜嘅係，垃圾廣告仍然係會賣過不停。

你或者會問，AdSense同網主點解會打得咁嚴，其實佢哋都係無辦法，AdSense本身係有AI自動detect不良訊息嚟剔出廣告分成頁面清單，佢呢個系統要同廣告商交待，亦都要同政府機關，乜差權利委員會，健康網絡NGO等等嘅東西交待；呢個做法，就好似等於歐美服裝公司而家唔用得某啲棉做原材料嘅道理一樣。而網主大人為咗繼續賣廣告抽分成，當然會跪地叩頭，伸埋條脷出嚟向網絡界嘅真主Google俯首稱臣認錯，要邊篇甜就邊篇甜，趕走幾個作者都好閒，最緊要繼續有錢收。

唔止咁簡單，呢個年代重有好多網絡衛士，道德登山者，偽君子每日不停喺個網絡度搵嘢投訴，見唔對路就投訴網主，無人處理就上Google，Google唔理就去server hoster，政府機關同NGO，煩都煩到你想執咗個網佢；所以，我可以同你講，網主都係被迫，因為如果甜故可以炒熱個網增加人流，廣告費多咗佢又點會打甜呢，你唔係以為一個喺自己網站賣廣告賣到毫無底線嘅人會咁有風骨睇唔順眼啲汁肉鏡頭呀？所以，一切都係錢作怪。

重有一點，就係因為佢出埋iOS app放上app store，而Apple呢間醫生遠離佢嘅公司係絕對唔會允許一隻散佈不良訊息嘅app出現喺佢store上面(雖然我覺得IG同Twitter已夠晒不良)，對色情內容app可以話係零容忍手起刀落，而網主為咗令佢隻app可以繼續生存，當然係會搞到各位用iOS app嘅小朋友睇唔到甜甜的故事。





但咁做可以話有得亦有失，待續。