她的伴奏者: 12

只見我同子瑜越哄越近，越哄越近，我地兩個塊面就越黎越紅。

死就死啦，快啲痛苦快啲結束。我加速衝埋子瑜度，子瑜嚇左一嚇。

好夢幻，好有感覺。鼻尖碰上鼻尖一刻，好似周圍乜都無晒，淨係得佢。

「29，28，27…」子瑜凝望住我，我又凝望住佢
「20，19，18…」我好想笑，但係又唔可以笑
「9，8，7…」我好有衝動想kiss埋去，但一kiss左就肯定返唔到轉頭。我忍…
「夠鐘！respect你啊豪哥」腎虧明醉之餘原來仲有少少清醒——玩人方面





我的心跳依舊急促，難道這是心動的感覺？
「呃…」全場尷尬
「啪！」嚇死我，邊個咁大聲跌嘢

原來係腎虧明飲到跪低左…
「咁點搞？」
「我點知點搞」子瑜問

梓潼去左邊？我估佢應該係太眼訓直接入左房訓。





「算啦，由佢咁樣訓到聽朝先處理啦，好眼訓」
「ok」

結果迷迷糊糊之間我就進入左夢鄉。

第二日～
起身嗰陣唔知點解覺得張床特別窄，又好似有個人係隔離。
「咪玩啦腎虧明」我半夢半醒咁講
直到我摸到一團肉係男仔唔應該有嘅時候，我先意識到個嚴重性…





Holy Shit，點解子瑜會係我張床㗎？
我快速重組尋晚發生過嘅事，發現佢入房嗰陣應該跟左我尾入錯…
「嗯…嗯，好頭痛」呢個時候子瑜開始醒，更仆街嘅係梓潼敲門想入黎。

喺呢個騎虎難下嘅情況下，我唯有作個藉口話係我睇唔到子瑜係度所以照訓。

「wtf？」梓潼一開門見到就講
「我尋晚好醉，睇唔到子瑜訓左我房…」
「然後？」
「我同佢無嘢㗎…妳唔好誤會」今次仆街
「咩啊？」我屌，今次真係仆街。仲要眨眼咁…好難頂得順
「呃…你地慢慢卿卿我我，我唔阻你地」

屌啦，今次跳入黃河都洗唔清。





「仆街啦妳，飲醉唔識分左右？」
「咩喎，咁好頭痛真係睇唔到間房咯」

子瑜根本覺得自己無錯，係我唔啱咁款…

「算啦，妳本人都唔介意我無野講」
「邊個話我唔介意？我都未打柒你」說罷，子瑜就拿出她那如沙包般大的拳頭，不偏不倚地打在我命根上。

早晨正是朝氣勃勃之時，痛楚自然加倍。

「啊啊啊啊啊啊啊啊啊啊！」那入心入肺的痛
「知死未？」說罷，子瑜就走出了房間，剩下我一拐一拐地掙扎著

腎虧明竟一早逃走了，留下字條。




「柒出國際，無顏臉面對鄉親父老，先逃」

即係宜家間屋得返兩個女仔同埋我…
三個人一齊係客廳，不發一言。

「不如，食早餐？」我問
「我唔介意，你地…」梓潼仲係好介懷
「我整啦」

食完早餐，梓潼話要返屋企做功課所以走左。
再次回到尷尬。

「對唔住，我知道妳有陰影，但呢件事我真係真係唔知…」
「唔知點解，我覺得個感覺好奇怪」佢話
「吓…我真係唔係變態黎㗎」我試圖澄清




「我覺得你張床特別溫暖，就算你同我唔係好熟，我都唔會好似以前…有嗰種嘔心嘅感覺」子瑜說
「…」
「應該咁講…我覺得我訓係你隔離…好有安全感」子瑜靠近我的胸膛說
「安全感？」
「無錯！我都唔知點解。長久下去，我可能會心動㗎」子瑜哄到我耳邊說
「心動？」我說不出其他字詞
「唔理你！執執個look先」

是…安全感和心動嗎？