她的伴奏者: 11

「仲差啲咩未買啊？」子瑜問
「其他嘢腎虧明會買㗎啦」
「你又知？」子瑜唔信我，唉
「腎虧明成日黎我屋企打邊爐㗎」
「咁gay嘅你地…btw一陣我有個friend都會黎」
「女？靚唔靚㗎？」我問
「靚！靚過我啊滿唔滿意」咁葡萄嘅…
「靚過妳都唔係好好咋喎」
「哦～你都唔係好靚仔啫，把口咁衰」





呢個時候，排後面等車嘅一對老公公老婆婆細細聲講…
「喔宜家啲人咁早結婚㗎咩？」婆婆問
「宜家興早婚、同居試婚嘛。況且佢地可能拍緊拖呢」老公公說

雖然我生得成熟啫但未至於適婚咯…
子瑜已經笑到仆街咁濟。

「個女仔好後生喎，但似夫妻多啲喎」
「睇過～又真係喎，拍拖點都無理由俾男朋友攞咁多嘢啦」阿伯講得啱，因為除左盒肥牛其他嘢都係我攞
「唔好八卦啦，有車喇」





結果對老夫婦上唔到車，哈。

「宜家…啲老人家講嘢都幾搞笑喎」我尷尬咁講
「我覺得佢地講得啱喎」
「吓？」「咩啊，老夫老妻吖嘛」
「妳都咁覺得？」我質疑地問
「唔係咩，其實真係幾似」
「…」





一段無養分的對話。

返到屋企，瘋狂洗嘢，腎虧明就到左。
「喂～有咩搞作啊？」
「等你啲餸啊，唔係點洗啊」
「嗱，荃灣水餃雲吞、九龍城新鮮雞」
「咁客氣點搞得掂啊」我用那濕漉漉的手拍拍腎虧明的肩膀
「屌你啦我件衫唔係紙巾」

呢個時候，有人撳鐘，應該係子瑜的friend到左。

「喂～好耐無見喇子瑜師姐」
「我地好似尋日先見完㗎喎Jennifer師妹」
eww，女性的友誼真的嘔心得讓人難以想像。





「你邀請㗎？有料喎ching」腎虧明向我投以感恩的眼神
「吓，佢係子瑜個friend吖嘛」
「竟然咁啱…我女神會同你女神熟」
「哦～可以幫你做一做嘅」
「咁就最好啦」

「呃大家好啊我係梓潼Rachel啊，讀F4嘅
「hi，我係呢間屋嘅主人張柏豪，如果你玩音樂應該識我的」我自我介紹
「hi～我係陳仲明啊，中五㗎」
「…」尷到
「啊哈哈哈，不如大家食嘢先啦」我打破尷尬
「飲杯～」

夏天開冷氣打邊爐，加埋兩個靚女，仲有兩個侍應。





「淥肥牛啦」
「妳自己無手？」
「叫你淥就淥啦」
「妳過主啦」

另一邊…
「不如我幫妳淥肥牛啦」
「食唔食菜啊？」
「使唔使飲汽水？」
梓潼顯得好怕醜，可能係因為腎虧明嘅投懷送抱太變態。

「多左喇陳仲明」
「唔係吖，我覺得幾好啊，不過我想佢繼續服侍我所以先唔講㗎嘛」
「吓…」我同腎虧明啞口無言，剩返子瑜同梓潼互相擊掌
「係子瑜師姐教我㗎」梓潼親密地抱著子瑜說





我諗起佢隻手傷，再諗起佢幫手切嘢都無事。

「妳個冚家富貴妳陰我？」我問
「係啊，吹咩？」
「啊啊啊啊啊啊啊啊！我要打柒妳個八婆」
「唔好打啦，最衰都係我」梓潼果然係入世未深，我又點會打女人呢
「佢地玩吓㗎咋，不嬲都耍花槍」
「吓，子瑜師姐妳唔係話妳…」
「咩啊？梓潼唔好亂講嘢喎」
「吓？」梓潼大惑不解

結果呢晚係歡笑聲中度過。

凌晨十二點～




「喂，星期六不如玩夜啲啦」腎虧明說
「吓？唔使洗碗咩…」我怒啤住佢，因為肯定係我洗碗
「嗰啲嘢遲啲先算啦，玩truth or dare啦」腎虧明說
「好啊！我都想玩！」我估唔到梓潼都會想玩

腎虧明顯得很雀躍，梓潼也很興奮，子瑜則跟著梓潼一臉無所謂。

「我轉先啦…」我只想儘快結束遊戲
「等陣，每人一罐啤酒壯壯膽先！」腎虧明取出冰冷的啤酒遞給我們
「梓潼點飲啊…」子瑜保護住梓潼
「我頂埋佢」腎虧明自告奮勇幫忙

碌柒，上次佢飲3罐就醉。

腎虧明不知從哪裡取出一個塑膠瓶。
塑膠瓶靠著地下的摩擦不偏不倚地指著我。
「Truth or dare？」
「Truth啦」
「你鍾意嗰個人在唔在場？」
「呃…在場」

只見子瑜同梓潼紅都面晒。
子瑜我都理解，但梓潼係做乜鳩？

「喔喔喔喔喔喔喔」全場起哄
「咪就係你咯陳仲明」我假裝親吻腎虧明
「屌，走開啊」

再轉之時，塑膠瓶不偏不倚地停在子瑜的位置。

「我就無某人咁淆底，Dare啦」
「同鳩豪鼻尖掂鼻尖30秒吖」

我同子瑜都呆L左，估唔到腎虧明會玩咁大。

「你認真㗎？」子瑜仲未識驚
「唔係呢？嘿嘿嘿我一早知你地有路㗎啦」腎虧明勁醉咁講
「仆街…」我心底講左十萬次屌腎虧明老母

至於梓潼塊面紅扑扑咁，少少醉。
應該得子瑜同我仲係理智。

既然係咁唯有蒙混過關。

「欸！唔好諗住我睇唔到，我仲好清醒」腎虧明說

佢又真係睇到我地係hea緊佢…
既然係咁，死就死啦！