她的伴奏者: 7

「朗豪坊有落」唔知點解我開始越黎越緊張
「650號係邊度啊…」我搜索著門牌號碼說

終於搵到棟大廈，但一個人都無。
「唔該你啱啱有無見過一個女仔好矮㗎走左啊」
「呢度日日百幾個學生你覺得我知道你講邊個咩？」
條友真係烚戇黎，我問佢啱啱有無都答唔到，肯定係訓左覺啦。靠自己上去搵好過啦。
.
我梗係唔會啦，況且子瑜都唔會留喺度。
但附近麥當勞快餐店都搵唔到佢，佢會喺邊度？





我走在旺角街頭上，來回奔波尋覓著她的身影。抬頭一看，橫越彌敦道的天橋終於建成了，但關我咩事？

子瑜會唔會去左TOP影famj相呢…
於是我坐上電梯走到天橋，天橋上依舊人來人往，她的身影卻在天橋的中央。

我走到她旁，不發一言，也不敢多言。

「呢度跳落去會點？」她問
「…」




「或者跳落去都無人理我」

我看著下面川流不息的車龍，有些安慰說話到了嘴邊卻說不出口。

「點解大家都對我咁有期望？」子瑜嘲笑
「因為妳有被期望嘅能力」我說
「就算我有呢個能力都唔一定要被期望吖」她眸子裡泛起了一層霧水
「妳…」
「上堂嗰陣老師問我點解會退步，阿媽又問我幾時考級，學校仲有好多活動一定要我參加。我真係頂唔順喇，點解要俾咁多壓力我？點解唔可以俾你？唔可以俾其他人咩？」她終於忍不住哭出來了
「我…我」我真的不知道如何安慰她




「俾我啦就。」
不知哪來的勇氣，我擁抱著她，拍拍她的後背。這是單純的一個安慰，不帶任何雜質，多餘的感情。
「妳將啲壓力分擔俾我，唔得咩？」我在她耳邊問
「我同你唔同，你可以獨來獨往，但我已經定型左」
「點解妳要定型自己？」
「我…」「妳自己定型自己無人幫到妳㗎喎」
「聽我講，唔好再俾自己咁大壓力，唔好再俾人覺得乜都要妳做，學識拒絕。」我凝望著她說

我開始肯定自己沉左船。

「咕～」一聲肚子的哀嚎劃破了尷尬
「妳唔食嘢點肩負咁多責任啊？」我笑
「係唔係你請先？」她破涕為笑

晚上八點的旺角燈紅酒綠，一個穿著校服的女生和身穿街坊裝的男生並肩走著。




警察叔叔，就是這個怪叔叔一直跟蹤我！

「妳食咩？」我問
「你呢？」
「我食板燒…乞嗤…J腿包」我含糊地說
「哈哈哈哈，乜撚嘢J腿包」
「屌妳啦，打乞嗤吖嘛」
「我要脆辣J～腿包」
「…」

買餐嗰陣，我醒起佢把聲喊到沙晒，再食脆辣J腿包聽日應該會失聲。

「一個豬柳蛋漢堡餐，一個板燒雞腿包餐」我改左佢個選擇

「吓，我個脆辣雞腿包呢？」她用她聲沙的嗓音問




「妳把聲咁食乜脆辣雞腿包，食麥記都益左妳」
「咁你都唔使轉埋做開心樂園餐掛…」子瑜攞住個Elsa玩具問
「開心啲啦，開心樂園餐咪幾好」其實係我叫錯…
「你自己開心飽佢啦，我食你個板燒雞腿堡包」
「吓，有無諗過Elsa會幾傷心，妳竟然遺棄佢。佢要訓係麥當勞，一個人冷冰冰，淒涼啊」我差在未喊
「點解你可以講啲自以為好笑嘅嘢但我笑唔出」
「我夠唔知妳咁鍾意喊，有得解㗎咩？」
「可能係老豆阿媽都唔係度，無人會知道我喊」
「我可能會報串㗎喎」
「你夠膽報串？我就同全班講你同我同居」
「吓，呢個唔係妳洩底啲咩…」

俗語有云：女人個嘴可以好大可以好細。食嘢可以超慢又可以超快，好明顯佢就食得好慢。
食個M記成個鐘….





「夜喇，快啲飲埋杯汽水走啦」
「得啦，你好趕咩？」
「點睇都妳趕啲喎，做晒功課喇咩？」
「Holy Shit，走走走」

時間管理0嘅學霸我都係第一次見…

「夜晚坐小巴快啲喎」我對她說
「吓…小巴唔會好危險咩？」
「有咩危險啊？妳無坐過咩？」
「無」

究竟佢係真膠定假膠…
「唔收八達通嘅？」上左車子瑜問
「兩個過公路，紅色小巴係唔收八達通㗎」我遞左2張廿蚊俾司機




「吓？小巴都有分顏色？」

唔講我以為佢3歲小朋友…
「小姐，雖然話妳成績好人又靚身材正，但妳一啲生活常識都無，淨係識喊，咁點得啊？」我問
「求其啦，反正我就係個讀書機器」

呢句似曾相識嘅嘢….
「就讓壞事都留在…今天」她睡著了

結果成十點幾先到屋企…
「妳唔使做功課咩？」我問
「其實我一早做晒，嘿嘿」

啲女人呢，真係好撚蠱惑㗎。

「沖涼啦，夜喇大佬」我說
「哦～我沖好耐㗎喎」
「妳鍾意啦」我已經攰到無話可說

女人真係好麻煩…但對住佢我覺得嗰種煩好似老夫老妻嘅感覺

佢點都唔會鍾意我，下年就會搬走，唔好ff咁多。
我催眠自己。

「得喇，到你」子瑜已經沖完，十五分鐘咋
「咁快嘅又會」我諗