她的伴奏者: 8
花灑將水緩緩流在我身上，我終於可以拋開一切，好好地在壓迫中喘息一下。
思緒永遠都在想起她，唉…
我又將子瑜代入成她了…與女生相處太多，和她的回憶漸漸泛起。
爭氣啲啦張柏豪，你打低人就唔使係度諗㗎喇。
「刷牙啦妳…」又係咁訓左喺書檯
下次再咁樣訓我揼咗佢份譜算
唉，搬又唔係唔搬又唔係，搬啦。
順便抽水（我梗係無）
「我要繼續練…嗯嗯嗯，節奏錯，感情唔夠」
咁都可以發開口夢…
結果放低佢之後，我哄埋去
.
.
幫佢冚被就去左訓覺。
第二日，返到學校就俾人急call去音樂室。
「各位，Music Union主席尋日移民但係又唔通知我，所以依家完全係無人控制狀態，啊啊啊啊！」Miss Chan非常激動
其實無Chairman咪無Chairman，都係掛名啫。
「所以我地要選個新Chairman。有無人有推薦？」
「我推薦張柏豪。」子瑜做我….damnnn
「吓？？？」我O左嘴
「係你尋晚話幫我承擔啲責任㗎」
「吓？？？咩責任…佢地唔會搞左吓話…」眾人議論紛紛
今次真係跳落城門河都搞唔掂。
「咁就張柏豪啦」Miss Chan望都無望過我
「吓？？？」
「恭喜晒～」全部team members不停拍手
「唉，多得妳唔少」我同子瑜講
「係你自己話要承擔責任㗎」
「得，ok，我佩服妳嘅記憶」
我以為少女悲傷會唔記得晒啲嘢。
啲女人呢，好撚蠱惑㗎。
放學嗰陣，成堆人黎課室搵我。
「主席Orch要場地練習啊」
「String Ensemble想參加比賽邊度有form攞？」
「校際音樂節有無form啊？」
「敲擊唔夠人喎」
忙到hihi，成5點先有得走。
「點啊，做主席係唔係好爽好有優越感先？」返到屋企我受到子瑜嘅幸災樂禍
「唔好再提喇，淨係搞啲form都搞死我，仲未計F1仔係度問長問短，咩樂團練習使唔使背譜，入樂團有無得加分。」我攰到癱坐喺梳發
「哈哈哈哈，你終於感受到有責任係幾辛苦啦」
「係啊，我最大責任係煮飯洗衫做家務，妳乜都唔駛做」
「一陣整親我對玉手你點賠啊，我為你好咋，再講我都有貢獻㗎，我煮左飯」子瑜懟到咁盡，真係唔似女人
「喔，妳煮飯食唔食得落肚㗎？」
我講完呢句開始後悔。
佢煲飯落水太多變糊仔…
碟菜硬到咬唔到…
「妳肯定呢啲叫煮飯？」
「第一次係咁㗎啦，緊張得濟」
「算啦，又唔係唔食得」我好攰，食乜都無所謂
食完飯，難得子瑜肯主動洗碗，我終於有時間做吓功課。做完一條數都無，廚房就傳來尖叫。
「啊啊啊啊啊啊～」千金大叫，我地呢啲兵仔打死都要救駕
入到廚房，見到廚房成地碎片，子瑜仲要想用手執啲碎片，結果…….
「跌左嘢試吓唔好執，玻璃割手㗎」我搽著黃藥水說
「呃…唔好笑」
氣氛一度跌落冰點。
「我係唔係好無用啊？」子瑜問
「點解妳成日咁問？」
「因為我真係好廢，洗碗都搞唔掂」
「妳唔廢啊。」我說
「點解？」
「妳吹笛咁有成就，交際又勁」
「嗰啲都唔係我想學嘅嘢，我想要一啲真正可以用嘅技能。無左阿爸阿媽我好似一坺屎咁」
「咁妳又真係一坺屎嘅，不過屎都有屎嘅價值」我諗唔到講乜去安慰一個女仔，其實我都好廢
「你講嘢都幾難聽喎」子瑜說
.
.
「不過夠真。」她補充
「無人同我講嘢我訓練唔到語言藝術嘛」
「邊個叫你咁毒。我聽啲人笑你係獨孤琴師」
「吓，唔係掛，我真係唔知喎」我唔係扮，我真係唔知
「你唔好咁毒啦，Chairman喎」
「盡量啦。搞掂喇，你唞吓啦，我執手尾」
呢個女人闖進我生活，破壞我嘅安寧。
點解我會沉船…唉
掃完玻璃碎，我無用15分鐘欣賞啲玻璃碎，因為我仲要洗衫。好匪夷所思係唔係？但係個女人完全無幫手嘅意思啊！
頂…洗子瑜啲校服真係人生一大難題，又大件又開衩，放棄。
「妳自己洗返妳啲衫，我唔想有咩誤會。」
子瑜乜都無講，淨係揈左俾玻璃割損隻手。
好，我就屈服埋呢幾日。
洗完衫，終於可以休息吓，不過我嘅休息就係彈琴。
「又彈琴？你唔悶㗎咩？」
「唔悶㗎」説罷，我就開始彈奏一首曲
周杰倫的說好不哭，夠慢夠expressive，相比古典音樂我更愛流行曲。
但一切前提係你玩古典音樂玩到出神入化。
「眼看著妳難過
挽留的話卻沒有說
妳會微笑放手
說好不哭讓我走」
子瑜大開金口～估唔到佢唱歌又幾好聽喎
「你什麼都沒有
卻還為我的夢加油
心疼過了多久
還在找理由等我」
歌曲完結，子瑜卻久久說不出話來。
「其實妳應該唱choir啦，啱妳喎」
「吓…咪啦，觸景傷情」
「吓，妳又有咩少女心事一次過講晒啦」
…
佢想講但係又講唔出，有啲嘢真係難以啟齒。
「妳唔想講就唔好講啦，我唔會逼妳」我拍拍她說
「我唔係A0。」我笑咗
「大把人唔係A0啦，有咩咁出奇」
「我同你嘅經歷差唔多，都係俾人遺棄」她說
「或者我地都係不容於世嘅少數」我說
「不容於世都係要返學㗎，訓啦」
「吓？」
「星期五晚先同你講啦，室友」
「好」
似乎身分已經被認定…
返到房唔知點解我有啲興奮>_<
待續.