[校園][純愛]《身旁的那一個》: 第八十四章

last day完之後其實真係冇乜特別

都係例牌溫書，

返學都係操卷跟住對答案

所以講嘅嘢其實真係唔多，

既然係咁我都費事拖劇情





唔係重點嗰啲就兩三句帶過就算

我唔知睇緊嘅你哋，

當年準備緊會考/a level/dse

有伴侶嗰陣係點過

我先前都講過啦，





當年同愷晴啲情侶生活

其實都同大眾幾唔同，

十對情侶有九對我相信都會一齊溫書

偏偏我哋就係嗰一對，

其實佢有問我嘅





我話我唔得呀真係想自己一個

初頭我以為佢會嬲，

因為我絕少會拒絕佢

可以遷就到嘅我都會遷就，

例如陪佢嘅時間啦

大家都知啦我哋成日講電話㗎嘛

呢個行為喺我哋眼中，

都已經算係陪伴





佢就話冇乜嘢做啫，

我就不嬲都多嘢做嘅

大家冇諗錯隔離我唔係掛住打飛機

講緊放緊假都會有私人嘢做，

直至依家都係咁

咁既然我咁多嘢做，

又點樣抽時間每日係咁陪





唯有真係早啲起身，

或者將我做嘢個速度加快

呢啲情況我咪會遷就囉，

之但係溫書我真係唔得

我冒住會畀佢嬲嘅風險都拒絕咗，

點知原來係我諗得衰

佢都冇嘢

咁我即刻梗係話多謝體諒啦係咪先





跟住就會氹得佢好開心

所以好多故事會出現嘅備戰考試呢個情節，

再次唔好意思

喺度就唔會有，

仲有一點同佢拍咗拖之後，

佢教咗我樣嘢

就係要得閒講下甜言蜜語





佢間唔中到佢問我鍾唔鍾意佢呀嗰啲說話

我次次都話鍾意呀呢樣嗰樣

咁樣又氹到佢好開心，

我有樣嘢冇同佢講，

初頭其實我係講唔出

後尾我講得出係我夾硬迫自己

因為我知我唔講佢就會嬲

同埋都係一句說話啫，

咪講囉係咪先

未拍拖嗰陣我睇電視或者電影，

成日都有啲劇情係講個男人唔肯同女人講甜言蜜語

以前我唔係好明

究竟有幾難講

點解唔講呢

當時我以為拍咗拖之後終於明，

十年之後回望返轉頭，

根本嗰陣我都唔明

去到今時今日我先清楚箇中因由

我都唔怕講埋少少劇透，

其實我依家每次對住愷晴嗰陣

總係有少少內疚

都係嗰句啦，

好多嘢再經歷一次，

做法就會好唔同，

可惜呢個世界唔容許.


我同佢拍拖嗰陣

基本上我哋都冇乜磨擦，

絕少會鬧交

自從嗰次激嬲要靠嵐嵐提我之後，

我比以前更加小心

梗係啦，

有啲嘢真係要衰過先識做，

陣間又激嬲佢咪盞搞到我自己

你知啦啲女仔一嬲就係咁㗎啦

唔出聲冷戰，

你WhatsApp佢佢淨係識覆你「嗯.」

如果你唔覆佢

佢就問你「做咩唔覆.」

如果我好誠實話冇嘢講

佢就話「咁唔好講.」

老老實實真係有啲煩

問心講愷晴未去到呢個程度

係我自己成日都驚佢嬲，

佢一嬲我就覺得有排煩

我從來都唔會對住發脾氣，

有得揀我都會盡量遷就

上面都講咗點樣遷就啦

因為我咁樣同佢相處，

所以我哋真係冇乜幾可會有磨擦

至於kiss嗰度，

我唔知你哋仲記唔記得，

我講過我同佢唔好話扑嘢

就連kiss都未試過

走嗰陣最多淨係攬嘅啫

唔會有動作想錫，

講明先我唔係gay

而佢本身都係一個靚女

不過就係冇衝動要錫，

走嗰陣講拜拜跟住攬一陣就走㗎啦

唔會好似一般人拍拖咁打茄輪打足幾個字

我同佢都冇衝動想錫大家，

唔知係咪因為嗰陣佢都冇拍拖嘅經驗

所以呢啲嘢都唔算好熟，

再者我哋出街嘅情況偏少

開始放study leave嗰排，

我哋唔可以好似以前咁日日見，

基本上都係一個禮拜一次

有次海狗都問我，

點解唔食愷晴，

海狗:「女你溝到

又一早話佢靚，

竟然咁守規矩」

我:「係你個腦先諗住扑嘢嘅啫」

海狗:「男女朋友扑嘢好正常啦下話」

我:「唔知呀，

我覺得我孭唔起食咗佢嘅責任

所以寧願唔好做，

你話我老套都好啦」

海狗:「唔係啩

唔怪得你哋同一般熱戀期唔同啦」

我:「你諗下，

我食咗佢遲啲萬一分手，

我仲喺呢間學校讀嘅

佢啲friend我又識嘅

到時日日係咁畀人叫做趙元暢就大鑊」

海狗:「老老實實，

我聽你咁講我唔覺得你好鍾意佢」

我:「我唔識講鍾唔鍾意喎好老實

問心我同佢相處都算係舒服嘅

我陪佢嘅方法好簡單嘅啫，

講電話同埋WhatsApp呢兩樣嘢我都handle到

我亦都feel到佢同我一齊都幾舒服

所以你問我鍾唔鍾意，

我唔敢講」

海狗:「你冇心就唔好拖人喇」

我:「好.」

畀佢講完嗰排

成日都懷疑自己係咪鍾意佢，

嗰陣不斷說服自己，

我唔鍾意就唔會同佢一齊啦

不過只要夜闌人靜一個人諗嘢嗰陣，

呢條問題都係冇結論

我亦都冇問嵐嵐

費事佢以為我玩佢個friend，

事實上嗰陣我連自己想點都未知

每日嘅任務淨係陪到而唔會激嬲佢就足夠.